अहिल्यानगर शहरात पंतप्रधान आवास योजनेअंतर्गत ५०० घरकुलांची योजना

अहिल्यानगर महानगरपालिकेतून नागरिकांसाठी आनंदाची बातमी! केंद्र शासनाच्या पंतप्रधान आवास योजनेअंतर्गत शहरात ५०० सदनिकांचा घरकुल प्रकल्प राबवला जाणार आहे. या प्रकल्पामुळे सामान्य नागरिकांना परवडणाऱ्या दरात स्वतःचे हक्काचे घर मिळणार आहे, अशी माहिती आयुक्त तथा प्रशासक यशवंत डांगे यांनी दिली आहे.

 प्रकल्पाचे ठिकाण: काटवन खंडोबा परिसरातील महानगरपालिकेच्या जागेत प्रकल्प उभारला जाणार.
 घरकुलाचे तपशील:
 एक सदनिकेचे क्षेत्रफळ: ३०० चौ. फुट
 किंमत: अंदाजे ₹१५ लाख
 संकुलात कम्युनिटी हॉल व इतर सुविधा उपलब्ध
 अर्जांची स्थिती:
 घरकुल प्रकल्पासाठी ७६० अर्ज प्राप्त, छाननी सुरू
 वैयक्तिक जागेवर घरकुल बांधण्यासाठी २०० अर्ज दाखल, त्यातील ५५ प्रकल्प अहवाल मंजुरीसाठी शासनाकडे पाठवले

 नोंदणी व अनुदान:
लाभार्थ्यांची निवड झाल्यानंतर किमान ₹१ लाख भरून नोंदणी घेण्यात येईल. वैयक्तिक जागेवरील घरकुलासाठी सुमारे ₹2.5 लाख अनुदान तीन टप्प्यात दिले जाणार आहे.

 महानगरपालिकेचे प्रयत्न:
या योजनेबाबत अधिकाधिक जनजागृती करण्यासाठी शाळा, कंपन्या, व्यावसायिक आस्थापना याठिकाणी कार्यशाळा घेतल्या जात आहेत. नागरिकांनी प्रकल्प विभागाशी संपर्क साधून अर्ज करावा, असे आवाहन आयुक्त डांगे यांनी केले आहे.