बालगृहातील अल्पवयीन मुलास पळविले

केडगाव येथील सावली प्रतिष्ठान संचलित सावली बालगृहात राहणार्‍या जाकीर शाहीद अन्सारी (वय 17 मूळ रा. सागर नाश्ता सेंटर, श्रीरामपूर) यास अज्ञात व्यक्तीने पळून नेले आहे.याप्रकरणी कोतवाली पोलीस ठाण्यात अज्ञात व्यक्तीविरूध्द गुन्हा दाखल करण्यात आला आहे. जाकीर अन्सारी 18 सप्टेंबर 2021 रोजी सावली बालगृहात दाखल झाला होता.3 जानेवारी 2022 रोजी बालगृहातील काळजीवाहक अंबिका शामल यांनी सांगितले की, जाकीर अन्सारी हा मुलगा बालगृहात दिसून येत नाही.त्यानंतर त्याचा बालगृह परिसर, केडगाव, रेल्वेस्टेशन, बसस्थानक परिसरात शोध घेतला असता तो मिळून आला नाही.