शिर्डी ,अकोले ,कर्जत ,पारनेर मध्ये नगरपंचायत रणधुमाळी सुरु.

पारनेर ,कर्जत,अकोले या तीन नगर पंचायतीचा कालावधी ५ नोव्हेंबर २०२० रोजी संपला आहे .  निवडणुकीची तैयारी सुरु असताना कोरोनाचा संसर्ग वाढल्याने निवडणूक लांबणीवर टाकली गेली होती . पदाधिकाऱ्यांचा कालावधी संपताच राज्य सरकारने या तिन्ही नगर  पंचायतींवरच प्रशासक नियुक्त केले होते . त्यानुसार शिर्डी ग्रामपंचायतीचा कालावधी २७ डिसेंबर २०२१ रोजी सम्पणार आहे  त्या मुळे राज्य निवडणूक आयोगाने गेल्या आठवड्यात शिर्डी सह या तीन नगरपंचायतीचा निवडणूक कार्यक्रम जाहीर  केला होता . जिल्हाधिकारी राजेंद्र भोसले यांनी मंगळवारी दि. ३० , रोजी याचारही नगर पंचायतीचा कार्यक्रम जाहीर केला .त्या नुसार १ डिसेंबर पासून उमेदवारी अर्ज भरण्यास सुरुवात होत आहे . उमेदवारी अर्ज राज्य निवडणूक आयोगाने निश्चित केलेल्या वेबसाइट वर भरावा लागणार आहे .  इच्छुकांना ७ डिसेंबर पर्यंत अर्ज भारत येणार आहे . ८ डिसेंबर रोजी उमेदवारी अर्जाची छाननी होणार आहे  . ज्या ज्या अर्जावर अपील नसेल ते अर्ज १३ डिसेंबर ,तर अपील असणाऱ्या अर्ज १६ डिसेंबर पर्यंत मागे घेतला जाणार आहे . त्यामुळे ऐन थंडीच्या दिवसात शिर्डी अकोले कर्जत   पारनेर या शहरातील राजकीय वातावरण तापले आहे . पक्षाची उमेदवारी प्राप्त व्हावी म्हणून इच्छुकांचा मोर्चे बांधणीला वेग आला आहे .