अहिल्यानगर जिल्ह्यात १८ लाख २३ हजार आयुष्मान कार्डधारक – अजूनही लाखो लोक कार्डविना! तुमचं कार्ड झालं का? 

 

अहिल्यानगर, दि. १६ –  आरोग्य सुरक्षा ही आजच्या काळात सर्वात मोठी गरज आहे आणि केंद्र व राज्य सरकारने यासाठी आयुष्मान भारत प्रधानमंत्री जन आरोग्य योजना (AB-PMJAY) आणि महात्मा ज्योतिराव फुले जन आरोग्य योजना (MJPJAY) यांची संयुक्त अंमलबजावणी सुरू केली आहे. यामध्ये प्रत्येक कुटुंबाला ५ लाख रुपयांपर्यंत मोफत उपचार  मिळणार असून, आतापर्यंत जिल्ह्यात तब्बल १८ लाख २३ हजार कार्डधारक तयार झाले आहेत.  पण अजूनही हजारो कुटुंबं या लाभापासून वंचित आहेत.

 

 जिल्ह्यातील १० लाख ५५ हजार कुटुंबं या योजनेंतर्गत पात्र आहेत आणि त्यामध्ये ४१ लाख ६५ हजार लाभार्थी आहेत. पण अजूनही अनेकांनी आपले आयुष्मान कार्ड काढलेले नाही. त्यामुळे आता जिल्हा प्रशासनाने ३१ ऑगस्ट २०२५ पर्यंत विशेष मोहीम राबविण्याचा निर्णय घेतला आहे. या मोहिमेत सर्वांनी सहभागी होऊन आपले आणि आपल्या कुटुंबाचे कार्ड काढून घ्यावे, असे आवाहन मुख्य कार्यकारी अधिकारी आनंद भंडारी यांनी केले आहे.

 

 योजनेचे फायदे
 प्रति कुटुंब ₹५ लाखांपर्यंत मोफत उपचार
 १३५६ प्रकारच्या शस्त्रक्रिया आणि विशेष उपचारांचा समावेश
 ज्येष्ठ नागरिकांसाठी (७० वर्षांवरील) “आयुष्मान भारत वय वंदना कार्ड” अंतर्गत अतिरिक्त ₹५ लाखांचे कवच

 

 कार्ड काढण्याची सोपी प्रक्रिया

• स्वतः लाभार्थी, आशा स्वयंसेविका, ग्रामसेवक, गटविकास अधिकारी किंवा राशन दुकानदार यांच्यामार्फत कार्ड मिळू शकते.

• गूगल प्ले स्टोअरवरून “आयुष्मान अॅप” डाउनलोड करून थेट मोबाईलवरून नोंदणी करता येते.

• नोंदणीसाठी आधार कार्ड, रेशन कार्ड व मोबाईल नंबर आवश्यक आहे.

• ऑनलाईन पोर्टल  https://beneficiary.nha.gov.in/

 जिल्ह्यातील प्रत्येक आरोग्य कर्मचारी – आशा स्वयंसेविका, वैद्यकीय अधिकारी, समुदाय आरोग्य अधिकारी – हे लोकांना कार्ड तयार करण्यासाठी मदत करत आहेत. ग्रामपंचायत स्तरावर देखील सूचना दिल्या गेल्या आहेत.

 ३१ ऑगस्ट ही डेडलाईन आहे!
तुमचं आणि तुमच्या कुटुंबाचं आयुष्मान कार्ड झालं नसेल, तर लगेचच प्रक्रिया पूर्ण करा. कारण आजारी पडल्यानंतर लाखो रुपयांचा खर्च करावा लागतो. पण हे कार्ड तुमचं आर्थिक कवच आहे. 

 

 तरुणाई, महिला, शेतकरी, कामगार – प्रत्येकासाठी ही योजना जीवनरक्षक आहे. आजारपण कधीही अचानक येतं, पण तयारी आत्ताच करता येते. त्यामुळे ही मोहीम व्हायरल करा, आणि तुमच्या ओळखीतील प्रत्येकाला आयुष्मान कार्ड बनवायला प्रोत्साहित करा.

 

 “आरोग्याची खरी शिदोरी – आयुष्मान कार्ड हाच तोडगा!”

#AyushmanBharat #MJPJAY #HealthForAll #अहिल्यानगर #MetroPortal