अहिल्यानगर – पाथर्डी मार्गावरील वाहतुकीत बदल

अहिल्यानगर : सायकलिंग फेडरेशन ऑफ इंडियाच्या २९ व्या राष्ट्रीय रोड सायकलिंग अजिंक्यपद स्पर्धेसाठी महाराष्ट्राच्या सायकलपटूंची निवड करण्यात येणार आहे. यासाठी सायकल असोसिएसन ऑफ महाराष्ट्राच्या वतीने सायकलिंग असोसिएशन व सायकलिंग क्लब यांच्या संयुक्त विद्यमाने २५ व २६ नोव्हेंबरला पाचव्या महाराष्ट्र राज्य रोड सायकलिंग अजिंक्यपद स्पर्धेचे आयोजन करण्यात आले आहे. या कालावधीमध्ये वाहतुकीमुळे सायकलपटूंची गैरसोय होवू नये, तसेच सायकलपटूंच्या सुरक्षिततेस धोका पोहोचून कायदा व सुव्यवस्थेचा प्रश्न निर्माण होवू नये, यासाठी अहिल्यानगर मार्गावरील चांदबीबी महाल बायपास लिंक रोड (चांदबीबी महाल ते वाळुंज) परिसरात वाहतुकीचे नियमन करणे आवश्यक आहे. त्यासाठी २५ व २६ नोव्हेंबरला सकाळी ७ ते दुपारी ३ या वेळेत पाथर्डी – अहिल्यानगर मार्गावरील चांदबीबी महाल बायपास लिंक रोडने (चांदबीबी महाल ते वाळुंज) डाव्या बाजूच्या (पूर्वेकडील) लेनवरुन जाणाऱ्या सर्व वाहनांच्या मार्गात बदल करण्यात आला आहे. पाथर्डीकडून (चांदबीबी महाल ते वाळुंज) पुणेकडे जाणाऱ्या सर्व वाहनांसाठी पाथडीकडून (चांदबीबी महाल ते वाळूज) पुणेकडे उजवी कडील लेनवरुन एकेरी मार्गे पुणेकडे ही वाहतूक वळविली आहे.