उन्हाळ्यामुळे लिंबाला सहा हजारांचा भाव

अहिल्यानगर : येथील दादापाटील शेळके कृषी उत्पन्न बाजार समितीत लिंबाचे लिलाव झाले. यामध्ये एक नंबर लिंबाला सहा हजार रुपये प्रतिक्विंटलला भाव मिळाला. येथील बाजार समितीच्या आवारात २३.०३ क्विंटल लिंबाची आवक झाली. यामध्ये लिंबाला कमीत कमी एक हजार व जास्तीत जास्त सहा हजार रुपयांचा भाव मिळाला. लिंबाला सरासरी ३५०० रुपयांचा भाव मिळाला. सध्या किरकोळ बाजारात लिंबाची ८० ते ९० रुपये किलो दराने विक्री होत आहे. लिंबाला मागणी वाढलेली आहे. त्यामुळे आगामी काळात लिंबाच्या भावात वाढ होण्याची शक्यता आहे.