श्रीरामपूर न्यायालयात थरारक घटना! कोर्टात वकिलावर हल्ला – कायदा सुव्यवस्थेवर मोठं प्रश्नचिन्ह!
श्रीरामपूर जिल्हा सत्र न्यायालयात आज चकित करणारी घटना घडली! एका चालू खटल्याच्या सुनावणीदरम्यान विरोधी पक्षकाराने थेट कोर्टात वकिलावर हल्ला केला.
श्रीरामपूर | मेट्रो पोर्टल न्यूज अपडेट
श्रीरामपूर जिल्हा सत्र न्यायालयात आज चकित करणारी घटना घडली! एका चालू खटल्याच्या सुनावणीदरम्यान विरोधी पक्षकाराने थेट कोर्टात वकिलावर हल्ला केला. अमरावती येथील अभिजित पाथरकर या व्यक्तीने वकील दिलीप औताडे यांच्यावर अचानक हात उचलत धक्कादायक मारहाण केली. ही घटना न्यायाधीश आर. बी. गिरी यांच्या कोर्टात उलटतपासणी सुरू असताना घडली.
क्षणभरात न्यायालयात एकच गोंधळ उडाला. वकील, कर्मचारी आणि इतर पक्षकार स्तब्ध झाले. या हिंसक घटनेमुळे संपूर्ण न्यायालयीन परिसर हादरला. पोलिसांनी तात्काळ हस्तक्षेप करत आरोपीला अटक केली.
या घटनेनंतर वकील वर्गात प्रचंड संताप पसरला आहे. अनेक वकिलांनी कोर्ट आवारातच गर्दी करत जोरदार निषेध नोंदवला. “आम्ही कायद्यासाठी लढतो, आणि आमच्यावरच कोर्टात हल्ला? ही न्यायव्यवस्थेची शोकांतिका आहे!” अशा भावना वकिलांकडून व्यक्त केल्या जात आहेत.
जिल्हा बार असोसिएशनने तातडीची बैठक बोलावली असून, पोलीस प्रशासनाकडे न्यायालयीन सुरक्षेसाठी कडक उपाययोजनांची मागणी केली आहे. वरिष्ठ अधिकाऱ्यांनीही कोर्ट परिसरात अतिरिक्त बंदोबस्त वाढवण्याचे संकेत दिले आहेत.
सध्या पोलिसांचा तपास सुरू आहे आणि आरोपीवर कायदेशीर कारवाईचे प्रक्रियेला गती देण्यात आली आहे. ही घटना केवळ एका वकिलावरचा हल्ला नाही, तर संपूर्ण न्यायप्रणालीच्या सुरक्षिततेवरच गंभीर इशारा आहे.
मेट्रो पोर्टल विशेष:
न्यायालयात अशा प्रकारे हल्ला होणे म्हणजे कायद्याच्या मंदिरातच गुन्हेगारांचा दहशत निर्माण होणं! आता वेळ आली आहे, कोर्ट सुरक्षेसाठी अत्याधुनिक यंत्रणा आणि कठोर उपाय लागू करण्याची!