न्यू आर्ट्स कॉलेजमध्ये ‘आंतरराष्ट्रीय वाणिज्य दिन’ उत्साहात साजरा! 

 न्यू आर्ट्स कॉलेजमध्ये ‘आंतरराष्ट्रीय वाणिज्य दिन’ उत्साहात साजरा! 
विद्यार्थ्यांच्या ज्ञान, कल्पकता आणि सर्जनशीलतेला मिळाली नवी उभारी

शेवगाव | नरहरी शहाणे 
न्यू आर्ट्स, कॉमर्स अँड सायन्स कॉलेज, शेवगाव येथील वाणिज्य विभागात ‘आंतरराष्ट्रीय वाणिज्य दिन’ मोठ्या उत्साहात आणि सर्जनशीलतेने साजरा करण्यात आला. या खास दिवशी पोस्टर स्पर्धा आणि कॉमर्स क्विझ स्पर्धेचे आयोजन करून विद्यार्थ्यांच्या कौशल्यांना हक्काचं व्यासपीठ देण्यात आलं. 

 कार्यक्रमाची सुरुवात कॉलेजचे प्राचार्य प्रा. डॉ. पुरुषोत्तम कुंदे यांच्या हस्ते करण्यात आली. त्यांनी विद्यार्थ्यांना सावित्रीबाई फुले पुणे विद्यापीठाच्या ‘अविष्कार संशोधन स्पर्धा’ मध्ये सहभाग घेण्याचे आवाहन करत, त्यांच्या सर्जनशील उपक्रमांचे भरभरून कौतुक केले. 

 पोस्टर स्पर्धेत विद्यार्थ्यांनी बँकिंग व्यवस्थापन, आयटी, टॅक्सेशन, संज्ञापन यांसारख्या महत्त्वाच्या वाणिज्यविषयक संकल्पनांवर एकूण ६५ पोस्टर्स सादर केली. तर  कॉमर्स क्विझ स्पर्धेत तब्बल ११० विद्यार्थ्यांनी सहभाग नोंदवला. क्विझमध्ये आंतरराष्ट्रीय आर्थिक घडामोडी, उद्योग-व्यवसायातील बदल, आणि मार्केट ट्रेंड्सवर प्रश्न विचारण्यात आले.

 विजेत्यांची नावे:
 पोस्टर स्पर्धा: शित्रे वैष्णवी, टाक वैष्णवी, शिंदे प्रतिभा, शिंदे नम्रता
 कॉमर्स क्विझ: बोरुडे वेदांत, धोंडे ऐश्वर्या, रंधे पूजा, अरगडे नवनाथ

 विजेत्यांना रोख पारितोषिके व प्रमाणपत्रे प्रदान करण्यात आली. विद्यार्थ्यांच्या यशामुळे त्यांच्या ज्ञानसंपदेचा व सर्जनशीलतेचा गौरव झाला आहे. 

 कार्यक्रमाच्या यशस्वी आयोजनामध्ये वाणिज्य विभागप्रमुख प्रा. मोहन वेताळ यांच्यासह प्रा. मंगेश राहींज, प्रा. उद्धव देवढे, प्रा. गणेश पवार, प्रा. शितल देशमुख, प्रा. जाधव व विद्यार्थ्यांचा मोलाचा सहभाग होता.

 उद्घाटनप्रसंगी उपप्राचार्य डॉ. युवराज सुडके, डॉ. रवींद्र वैद्य, डॉ. अशोक चोथे, डॉ. गोकुळ क्षीरसागर, प्रा. उगलमुगले, प्रा. पवार सचिन यांची उपस्थिती कार्यक्रमाला भारदस्त ठरली.

 #CommerceDayCelebration #InternationalCommerceDay #ShevgaonCollege #StudentCreativity #PosterCompetition #QuizTime #YouthPower #NewArtsCollege #MetroPortalUpdates 

 

 हा अनुभव तुमच्या मित्रमैत्रिणींसोबत शेअर करा आणि त्यांच्या यशाला द्या लाईक्स व कॉमेंट्सचा सलाम!