🚨 BIG UPDATE | नगर जिल्ह्यातील माथाडी कामगारांचा बंडाचा इशारा! 🚨

ही वाढ 1 ऑगस्ट 2025 पासून पुढील 3 वर्षांसाठी लागू करण्याचा निर्णय घेण्यात आला होता.

Last updated Aug 20, 2025

BIG UPDATE | नगर जिल्ह्यातील माथाडी कामगारांचा बंडाचा इशारा!

अहिल्यानगर जिल्ह्यातील माथाडी कामगार आता चांगलाच आक्रमक मूडमध्ये आहेत. मागील 20 वर्षांपासून मजुरीत वाढ न मिळाल्याने ते पूर्णपणे असंतोषात आहेत. अखेर, “आता पुरे!” म्हणत कामगारांनी उद्या म्हणजेच गुरुवारपासून कामबंद आंदोलन करण्याचा इशारा दिला आहे.

यामागची मुख्य पार्श्वभूमी अशी की, 4 जुलै 2025 रोजी अहिल्यानगर माथाडी व असंरक्षित कामगार मंडळाने आवक मालाच्या वाराई दरवाढीबाबत परिपत्रक काढले होते. त्या परिपत्रकानुसार, प्रती गोणी मजुरी 2 रुपयांवरून वाढवून 3 रुपये करण्यात आली आहे (2.27 रुपये मजुरी + 73 पैसे लेव्ही). ही वाढ 1 ऑगस्ट 2025 पासून पुढील 3 वर्षांसाठी लागू करण्याचा निर्णय घेण्यात आला होता.

पण धक्का बसला तो इथेच! अजूनही अनेक कृषी उत्पन्न बाजार समित्यांनी ही दरवाढ अंमलातच आणलेली नाही. याबद्दल कामगार संघटनांमध्ये प्रचंड रोष आहे.

जिल्हा हमाल पंचायतचे अध्यक्ष अविनाश घुले यांनी स्पष्ट केले की, “आजपर्यंत मजुरी वाढीची अंमलबजावणी केली नाही, तर उद्यापासून जिल्ह्यातील सर्व माथाडी कामगार कामबंद आंदोलन करतील. यामुळे बाजार समित्या आणि व्यापार व्यवहार ठप्प होतील. त्याची जबाबदारी आमच्यावर नाही तर बाजार समित्यांवर आणि व्यापाऱ्यांवर राहील!”

याआधी 5 ऑगस्ट रोजी या विषयावर मोठी बैठक झाली होती. या बैठकीत जिल्हा हमाल पंचायत, राज्य माथाडी वाहतूक संघटना, जिल्हा उपनिबंधक कार्यालयाचे प्रतिनिधी, तसेच नगर, नेवासा, राहुरी, कोपरगाव, संगमनेर आदी तालुक्यांच्या बाजार समित्या आणि आडते संघटना सहभागी झाल्या होत्या. सर्वांना 15 दिवसांचा वेळ देण्यात आला होता. पण आज ती मुदत संपली आहे.

आता जर मागण्या पूर्ण केल्या नाहीत, तर गुरुवारपासून संपूर्ण जिल्ह्यातील कामबाजार ठप्प होणार हे जवळपास निश्चित दिसत आहे. याचा थेट परिणाम शेतकरी, व्यापारी आणि बाजार समित्यांच्या कामकाजावर होणार आहे.