महाराष्ट्रातील कंत्राटदारांचा “नोटिस अलर्ट”! देयके थकले, रोजगार धोक्यात

महाराष्ट्रातील कंत्राटदारांचा “नोटिस अलर्ट”! देयके थकले, रोजगार धोक्यात

अहमदनगर (प्रतिनिधी) – राज्य शासनाच्या विविध योजनेअंतर्गत केलेली विकासकामे पूर्ण करूनही कंत्राटदारांचे बिल अजूनही शासनाकडे थकले आहेत. जवळपास ९० हजार कोटींची बिले प्रलंबित, आणि त्यामुळे ठेकेदार कर्जबाजारी, कामगार, वाहन चालक, इंजिनियरसह अनेकांचा पगारही उशिरा मिळत आहे.

आज अहमदनगरसह राज्यातील ३५ जिल्ह्यांमध्ये जिल्हाधिकारी कार्यालयांसमोर धरणे आंदोलन झाले. कंत्राटदारांनी सरकारला ८ दिवसांची अंतिम मुदत दिली, नाहीतर रस्त्यावर उतरून तीव्र निषेध करण्याचा इशारा दिला.

आंदोलनाचे मुख्य मुद्दे:

• प्रलंबित बिल तातडीने द्यावे
• कामगार, इंजिनियर, वाहन चालकांचे वेतन वेळेत दिले जावे
• नवीन सरकारी विकासकामांसाठी निधी उपलब्ध करावा

आजच्या आंदोलनाचे नेतृत्व इंजिनियर मिलिंद भोसले करत आहेत. हजारो कंत्राटदार, अभियंते, मजूर संघटना आणि व्यवसायिक उपस्थित होते.

स्थिति गंभीर:

• सार्वजनिक बांधकाम विभाग, जलजीवन मिशन, ग्रामविकास, जलसंधारण इत्यादी अनेक विभागांचे काम पूर्ण, पण गेल्या ८ महिन्यांपासून एक रुपया देखील मिळाला नाही
• राज्यातील ५–६ कोटी लोकांचा रोजगार व व्यवसाय धोक्यात आहे

बिल्डर्स असोसिएशन ऑफ इंडिया, राज्य अभियंता संघटना आणि महाराष्ट्र कंत्राटदार महासंघ यांनी सरकारकडे आग्रहाने मागणी केली आहे – “लाडका ठेकेदारांचे बिल तातडीने द्या, अन्यथा विकासकामे ठप्प!”