मालमत्ता खरेदीत फसवणूक अलर्ट! – डबल रजिस्ट्री स्कॅममुळे अनेकांचे स्वप्न उध्वस्त 

 

आजकाल जमिनीला सोन्यापेक्षा जास्त भाव आला आहे.  1100 ते 1200 स्क्वेअर फूटचा प्लॉट घ्यायचा असेल तरी लाखो रुपयांची इन्व्हेस्टमेंट करावी लागते. पण इथेच खरी अडचण सुरू होते. कारण प्लॉट खरेदी करताना जर सावधगिरी बाळगली नाही, तर तुमचे लाखो रुपये गमावण्याची वेळ येऊ शकते.

 

 अलीकडेच डबल रजिस्ट्री नावाच्या मोठ्या फसवणुकीचा प्रकार समोर आला आहे. एका प्रकरणात तर एकाच प्लॉटची विक्री तब्बल 10 लोकांना करण्यात आली.  म्हणजेच, ब्रोकर किंवा डेव्हलपर एकाच भूखंडाचे वेगवेगळे कागद तयार करून अनेक खरेदीदारांना तोच प्लॉट विकतात. यात बनावट 7/12 उतारे, खोटं NOC किंवा नकली Power of Attorney दाखवून पैसे उकळले जातात. शेवटी कोर्टात गेल्यावरच खरी गोष्ट बाहेर येते… तोपर्यंत स्वप्नातील घरचं स्वप्न धुळीस मिळतं!

 

 म्हणूनच जर तुम्हालाही अशी फसवणूक टाळायची असेल तर या 7 गोष्टी नक्की फॉलो करा :

 

 सर्व व्यवहार ऑनलाईन करा – पावत्या, स्टॅम्प ड्युटी, नोंदणी कागदपत्रे नीट सांभाळून ठेवा.

 POA तपासा – Power of Attorney असल्यास मूळ मालक जिवंत व उपस्थित आहे का ते खात्री करा. POA वैध आहे का ते बघा.

 कागदपत्रांची खातरजमा करा – मूळ करार, 7/12/8A उतारे, म्युटेशन, नगररचना/NA ऑर्डर, RERA नोंदणी हे सर्व अनुभवी वकिलांकडून तपासून घ्या.

 स्थळ पाहणी अनिवार्य  – जागेवर प्रत्यक्ष जा, शेजाऱ्यांकडून माहिती घ्या.

 बँक कर्जाचा फायदा घ्या  – कारण बँका मालमत्तेचे सर्व डॉक्युमेंट्स नीट तपासूनच कर्ज मंजूर करतात.

 30 वर्षांचे Encumbrance Certificate काढा – त्या मालमत्तेवर कर्ज आहे का, कोर्टकेस आहे का हे यातून समजते.

 Title Insurance घ्या  – भविष्यात काही वाद निर्माण झाल्यास आर्थिक नुकसान कमी होईल.

 

 थोडक्यात, जमीन खरेदी करायची म्हणजे फक्त पैशांची जमवाजमव नव्हे तर डॉक्युमेंट्सची व्यवस्थित छाननी करणं तितकंच महत्त्वाचं आहे.

 

 तुमचं एक चुकीचं पाऊल आयुष्यभराचं नुकसान ठरू शकतं. म्हणूनच, “स्वस्तात मिळतोय” म्हणून प्लॉटवर डोळे झाकून विश्वास ठेवू नका. वकिलांचा सल्ला घ्या, बँकेकडून तपासणी करून घ्या आणि मगच डील फायनल करा.

 

 कारण शेवटी, घर हे स्वप्न असतं… आणि ते स्कॅमस्टरच्या जाळ्यात अडकून उध्वस्त होऊ नये! 

#PropertyNews #DoubleRegistryScam #MetroPortal #फसवणूकसावधान