बाप्पाची जगातील सर्वात उंच मूर्ती भारतात नाही तर थायलंडमध्ये!

दरवर्षी गणेशोत्सवात मुंबईत लालबागचा राजा आणि महाराष्ट्रातील असंख्य मंडळे भक्तांच्या मनावर राज्य करतात . पण तुम्हाला माहिती आहे का? जगातील सर्वात उंच गणेश मूर्ती भारतात नसून थायलंडमध्ये आहे!

खलोंग खुएन गणेश इंटरनॅशनल पार्क, चाचोएंगसाओ, थायलंड येथे ही भव्य गणेश मूर्ती उभी आहे. तिची उंची तब्बल 39 मीटर म्हणजे जवळपास 128 फूट आहे . 2012 मध्ये पूर्ण झालेली ही मूर्ती 854 कांस्य तुकड्यांपासून बनवली आहे आणि 40,000 चौ. मीटर क्षेत्रफळात उभी आहे. तिचा आकार एवढा भव्य आहे की ती बंग पाकोंग नदीच्या पलीकडून आणि महामार्गावरूनही स्पष्ट दिसते .

ही मूर्ती इतकी खास का आहे?
मूर्तीचे शिल्पकार पिटक चालेमलाओ यांनी सांगितलं की, ही मूर्ती थायलंडच्या धार्मिक समृद्धी आणि प्रगतीचं प्रतीक आहे.
बाप्पाच्या चार हातांमध्ये ऊस, फणस, केळी आणि आंबे आहेत – जे विकास आणि आशीर्वादाचे प्रतीक मानले जातात.
बाप्पाचं पुढे टाकलेलं पाऊल देशाच्या प्रगतीचं प्रतीक आहे .
डोक्यावरचं कमळाचं मुकुट ज्ञानाचं प्रतीक आहे.
सर्वात वर कोरलेलं ॐ चिन्ह संपूर्ण विश्वासाठी संरक्षणाचं प्रतिक मानलं जातं.

भेट देण्यासाठी माहिती:
वेळ – सकाळी 8 ते संध्याकाळी 5
प्रवेश शुल्क – थाई नागरिकांसाठी मोफत, तर परदेशी पर्यटकांसाठी 100 THB (सुमारे ₹240)
ठिकाण – 62 मू 4, बंगतळाद, खलोंग खुएन, चाचोएंगसाओ, थायलंड

इथे कसं पोहोचाल?

• बँकॉकपासून फक्त 80 किमी अंतरावर आहे.

• ट्रेन, बस किंवा टॅक्सीने तुम्ही सहज पोहोचू शकता .

• प्रवासाला साधारण 1.5 ते 2 तास लागतात, त्यामुळे एक दिवस राखून ठेवा.

सर्वोत्तम वेळ – नोव्हेंबर ते फेब्रुवारी, जेव्हा थायलंडचं हवामान आल्हाददायक असतं .

थायलंडमधील या मूर्तीला दररोज हजारो-लाखो भक्त भेट देतात, आणि आता मराठी गणेशभक्तांनीही या अद्भुत स्थळाला भेट द्यावी असं वाटतंय .

तर मंडळी, गणेशोत्सवात बाप्पाच्या मूर्तींची भक्ती करताना हे लक्षात ठेवा की जगातील सर्वात उंच गणेश मूर्ती आपल्या भारतात नाही, तर थायलंडमध्ये आहे!

#Ganeshotsav2025 #WorldTallestGanesh #ThailandTrip #BappaMorya

---