#GaneshotsavSpecial | “अन्नदान हेच श्रेष्ठदान” – बाल कार्यकर्त्यांचा Social Message देखावा!

अहिल्यानगरमध्ये गणेशोत्सव म्हटलं की रंगीबेरंगी मंडप, लाईट्स, सजावट आणि भव्य मूर्तींची स्पर्धा . पण यंदा तोफखाना येथील अष्टविनायक मित्र मंडळाने गणेशभक्तांसमोर एकदम वेगळं, हृदयाला भिडणारं दृश्य उभं केलंय .

मंडळातील बाल कार्यकर्त्यांनी स्वतःच्या हाताने “अन्नदान हेच श्रेष्ठदान” या संदेशावर आधारित एक आगळावेगळा देखावा साकारला आहे.
घोषवाक्य आहे –
“खा अगदी मनभर… वाया नका घालवू कणभर!”

---

देखाव्याची खास वैशिष्ट्यं

• संपूर्ण सजावट शाडू माती, रद्दी पेपर, पुठ्ठा, कापूस, फ्लेक्स बोर्ड, जुन्या खेळण्यांपासून केली आहे .

• कोणत्याही कारागिराची मदत न घेता मुलांनीच जवळपास एक महिना मेहनत करून हा उपक्रम पूर्णत्वाला नेला .

• रोज शाळा सुटल्यावर मुलं 1-2 तास या कामासाठी वेळ द्यायची .

---

देखाव्यातील आकर्षणं

• गरजूंना अन्नदान करणाऱ्या प्रतिकृती

• रांगेत जेवण करणाऱ्यांची प्रतीकात्मक मांडणी

• अन्नाचा अपव्यय टाळण्याचे स्लोगन्स –
  “भुकेल्याच्या पोटी अन्न घालणे हेच खरे दान”
  “शिल्लक अन्न वाया न घालवता गरजूंना द्या”

एका कोपऱ्यात – शेतकऱ्याच्या मेहनतीपासून थाळीतील अन्नापर्यंतचा प्रवास दाखवण्यात आला आहे .
दुसऱ्या बाजूस – “आज्जीचं स्वयंपाकघर” जुन्या भांड्यांनी उभं केलंय, जे जुन्या संस्कृतीतल्या प्रत्येक कणाचं महत्त्व अधोरेखित करतं.

मंडपात समोर गणरायाची मूर्ती आणि शेजारी अन्नपूर्णा देवीचं चित्र ठेवण्यात आलंय, जे या संदेशाला अधिक पवित्र स्पर्श देतं .

---

या बाल कार्यकर्त्यांची मेहनत
श्रेयस बोगा, हर्षल सुंकी, सिद्धांत रायपेल्ली, मयंक येमुल, प्रज्वल रायपेल्ली, स्वर्णिम बल्लाळ, विक्रांत बोल्लु, तुषार निस्ताने, संग्राम सपाटे, पार्थ कांबळे, देवांश झोंड – या मुलांनी एकजुटीने हा सामाजिक उपक्रम उभा केला .

---

नागरिकांनी या देखाव्याचं कौतुक करताना म्हटलं –
“गणेशोत्सव हा फक्त सजावटीचा उत्सव नाही, तर समाजाला सकारात्मक संदेश देण्याचं व्यासपीठ आहे. अष्टविनायक मंडळाने खरा गणेशोत्सव कसा साजरा करावा हे दाखवून दिलंय!”

---

आता हा संदेश सोशल मीडियावरही धडाक्यात व्हायरल होतोय –
“आपल्या थाळीत जितकं घेऊ, तितकंच संपवू!”
“अन्नदान हेच श्रेष्ठदान!”

#MetroNews #Ganeshotsav2025 #Ahilyanagar #SocialMessage #FoodDonation #ViralNews