#Breaking | अमोल खताळ हल्ला प्रकरणाला नवं वळण! आरोपीच्या आईची धडाकेबाज तक्रार

संगमनेरमध्ये आमदार अमोल खताळ यांच्यावर झालेल्या हल्ल्याने आधीच राजकीय वादळ उठवलं होतं . प्रसाद आप्पासाहेब गुंजाळ या तरुणाला पोलिसांनी अटक केली, समर्थकांनी हा प्रकार “राजकीय षडयंत्र” असल्याचा दावा करत मोर्चे काढले . पण आता या प्रकरणाला पूर्णपणे वेगळं वळण मिळालंय!

कारण, आरोपी प्रसादची आई अनिता गुंजाळ यांनीच पोलिसांकडे तक्रार अर्ज दाखल करून धक्कादायक आरोप केले आहेत.

त्यांच्या म्हणण्यानुसार –

• हा हल्ला राजकीय कारणांनी नव्हे तर आर्थिक फसवणुकीमुळे झाला .

• आमदार अमोल खताळ यांनी प्रसादला फसवलं, ब्लॅकमेल केलं आणि मानसिक त्रास दिला .

• कोरे चेकबुकवर सह्या करून घेतल्या गेल्या , पोलिस गाड्या घरी पाठवून दबाव आणला .

• प्रसाद सतत तणावात होता, आत्महत्येचाही विचार त्याने अनेकदा केला .

अनिता गुंजाळ यांनी तक्रारीत स्पष्ट केलंय –
“अमोल खताळ आणि प्रसाद हे केवळ मित्रच नव्हते, तर जवळजवळ कुटुंबासारखं नातं होतं . अनेक कौटुंबिक कार्यक्रम एकत्र साजरे केले, वाढदिवस साजरे केले. पण आर्थिक व्यवहारांमधून प्रसादला फसवण्यात आलं. शेअर मार्केटमधील गुंतवणुकीत तोटा झाला आणि प्रसाद कर्जाच्या विळख्यात अडकला. जमीन विकून कर्ज फेडलं, पण तरीही चेक टाकून त्याला अडकवलं गेलं.”

त्यांनी या व्यवहारांचे पुरावे, कागदपत्रं पोलिसांना दिल्याचंही सांगितलं आहे. शिवाय, 2024 मध्ये संगमनेर पोलीस स्टेशनमध्ये याच विषयावर सर्वांची बैठक झाली होती असं धक्कादायक विधान त्यांनी तक्रारीत केलंय.

अनिता गुंजाळ म्हणतात –
“मी मुलाच्या कृतीचं समर्थन करत नाही . पण त्याला या टप्प्यापर्यंत ढकलणाऱ्यांना कधीच माफ करणार नाही. माझ्या कुटुंबाची बदनामी झाली आहे आणि आता जीविताला धोका निर्माण झाला आहे. या सगळ्याला अमोल खताळ, संदेश देशमुख आणि त्यांचे सहकारी जबाबदार आहेत.”

---

म्हणजेच, हल्ला प्रकरण आता राजकारणातून थेट आर्थिक फसवणुकीच्या वळणावर आलंय.
एकीकडे समर्थक “राजकीय कट” म्हणतायत, तर दुसरीकडे आरोपीची आई सरळसरळ आमदारावर गंभीर आरोप करत आहे!

आता सगळ्यांच्या नजरा संगमनेर पोलिसांच्या पुढील कारवाईकडे –

• अनिता गुंजाळ यांच्या आरोपांची चौकशी होणार का?

• हल्ला प्रकरणाची दिशा बदलणार का?

• आणि यामुळे राजकीय समीकरणात नवा भूकंप होणार का?

#MetroNews #AmolKhatal #Sangamner #BreakingNews #ViralNews