फिरोदिया शिवाजीयन्स इंटर स्कूल फुटबॉल स्पर्धेत गोलांचा पाऊस!

आठरे पाटील स्कूलची 16 वर्षाखालील विजयी हॅट्रीक

प्रवरा पब्लिक स्कूलचा दुहेरी विजय तर तक्षिला स्कूलचा थरारक टायब्रेक विजय

अहिल्यानगर (प्रतिनिधी) – फुटबॉल प्रेमींसाठी रविवारचा दिवस भन्नाट ठरला! कारण फिरोदिया शिवाजीयन्स इंटर स्कूल फुटबॉल स्पर्धेच्या अंतिम फेऱ्या म्हणजे अक्षरशः मैदानावरचा “थराराचा उत्सव”!

या स्पर्धेचं सातवं वर्ष आणि या वेळेस तर रेकॉर्ड ब्रेक सहभाग — तब्बल 47 संघांनी मैदान गाजवलं !
एकूण 108 रोमांचक सामने खेळले गेले आणि प्रत्येक सामन्यात विद्यार्थ्यांचा उत्साह, जोश आणि खेळाडूवृत्ती डोळ्याचं पारणं फेडणारी ठरली

---

विजेत्यांचा जल्लोष!

16 वर्षाखालील (मुले) गटात आठरे पाटील स्कूलने सलग तिसऱ्यांदा विजेतेपद पटकावून इतिहास रचला
या संघाने आर्मी पब्लिक स्कूलवर 5-1 गोलने दणदणीत विजय मिळवला.
भानुदास चंद याने हॅट्रीक करत प्रेक्षकांची वाहवा मिळवली (18’, 35’, 48’ मिनिट).
यश अल्हाट (22’) आणि समर्थ तरवडे (58’) यांनी प्रत्येकी एक गोल करत संघाच्या विजयात मोलाचं योगदान दिलं.

---

17 वर्षाखालील मुलींचा वर्ग

प्रवरा पब्लिक स्कूलच्या दमदार खेळीने श्री साई इंग्लिश मीडियम स्कूलवर 1-0 गोलने विजय मिळवला
दामिनी जाधव हिने 39व्या मिनिटाला निर्णायक गोल करत प्रवरा पब्लिक स्कूलला विजेतेपद मिळवून दिलं

---

12 वर्षाखालील मुलांमध्ये प्रवरा पब्लिक स्कूल पुन्हा नंबर 1

गेल्या वर्षीप्रमाणे यंदाही प्रवरा पब्लिक स्कूलने विजेतेपद राखलं
आठरे पाटील स्कूलवर 3-0 गोलने विजय मिळवला.
गोलस्कोअरर्स: युवराज आहेर (5’), कुंदन बहिराम (9’), जयवर्धन मानेदेशमुख (43’)

---

14 वर्षाखालील मुलांमध्ये “टायब्रेकचा थरार”

आर्मी पब्लिक स्कूल व तक्षिला स्कूल यांच्यातील सामना 0-0 ने अनिर्णित राहिला
टायब्रेकवर तक्षिला स्कूलने 3-2 गोलने विजय मिळवला
साईराज कबाडी, चिरयू लोढा व तन्मय लोढा यांनी प्रत्येकी 1 गोल करत संघाला गौरव मिळवून दिला

---

तिसरे स्थान

14 वर्षाखालील (मुले) – प्रवरा पब्लिक स्कूलने सेक्रेडहार्ट कॉन्व्हेंटवर 3-0 ने मात केली
16 वर्षाखालील (मुले) – सेक्रेडहार्ट कॉन्व्हेंटने प्रवरा पब्लिक स्कूलवर 2-0 ने विजय मिळवला

---

वैयक्तिक पारितोषिके

या स्पर्धेत चमकलेले खेळाडू –
जान्हवी लंघे, वेदिका ससे, इंदिरा ब्राम्हणे, युवराज आहेर, जयवर्धन मानेदेशमुख, भानुदास चंद, साईराज कबाडी, तन्मय लोढा, ओम लोखंडे, प्रथमेश लहाडे, हर्षद सोनवणे, अंशुमन विधाते, स्वराज जाधव, पवनराजे वाणी इत्यादींना विशेष सन्मान देण्यात आला

---

पारितोषिक वितरण सोहळा

स्पर्धेतील विजेते, उपविजेते आणि तृतीय क्रमांक मिळवणाऱ्या संघांचा अहमदनगर जिल्हा फुटबॉल असोसिएशनचे अध्यक्ष नरेंद्र फिरोदिया व वरिष्ठ उपाध्यक्ष मनोज वाळवेकर यांच्या हस्ते सत्कार करण्यात आला

त्यांच्यासोबत सचिव रोनप फर्नांडिस, उपाध्यक्ष खालिद सय्यद, जोगासिंह मिनहास, खजिनदार रिशपालसिंग परमार, सहसचिव प्रदीप जाधव, विक्टर जोसेफ, डॉ. सॅवियो वेगास, पल्लवी सैंदाणे, अभिषेक सोनावणे, श्रेया सागडे यांची उपस्थिती लाभली

---

काय म्हणाले आयोजक?

नरेंद्र फिरोदिया म्हणाले –

“शाळेपासूनच फुटबॉल खेळाडू घडावेत या उद्देशाने स्पर्धेला सुरुवात झाली आणि आज ही स्पर्धा शहराच्या स्पोर्ट्स कल्चरचा भाग बनली आहे!”

मनोज वाळवेकर म्हणाले –

“शालेय पातळीवर फुटबॉलचा उत्साह वाढतो आहे. या व्यासपीठामुळे अनेक खेळाडू राज्य व राष्ट्रीय पातळीवर झळकतील.”

---

मैदानावर रंगला झुंम्बा, मर्दानी खेळ आणि फेस पेंटिंगचा जल्लोष

स्पर्धेच्या पार्श्वभूमीवर झुंम्बा डान्स, मर्दानी खेळ, चित्रकला व फेस पेंटिंग स्पर्धाही पार पडल्या.
पाहुण्यांच्या हस्ते विजेत्यांना बक्षिसं देण्यात आली

---

ही स्पर्धा यशस्वी करण्यासाठी फिरोदिया शिवाजीयन्सच्या सर्व सदस्यांनी, प्रशिक्षकांनी आणि पंचांनी (सलमान शेख, प्रियंका आवारे, सोनिया दोसानी, महिमा पठारे, अभय साळवे, जॉय शेळके आदी) उत्कृष्ट कामगिरी बजावली

समालोचन व सूत्रसंचालन — राहुल क्षीरसागर यांनी उत्साहात पार पाडलं