आधार कार्ड अपडेटसाठी विद्यार्थ्यांकडून घेतली जाणारी अवाजवी फी थांबवा!

वंचित बहुजन आघाडीची जिल्हाधिकाऱ्यांकडे ठणक मागणी!

अहिल्यानगर (प्रतिनिधी) – “विद्यार्थ्यांकडून आधार कार्ड अपडेटसाठी पैसे घेतले जात आहेत” — असा गंभीर प्रकार जिल्ह्यात समोर आला असून यावर तातडीने कारवाईची मागणी वंचित बहुजन आघाडीकडून करण्यात आली आहे.

शासनाच्या नियमांनुसार ५ ते ७ वर्षे आणि १५ ते १७ वर्षे या वयोगटातील विद्यार्थ्यांचे बायोमेट्रिक अपडेट मोफत असणे बंधनकारक आहे. पण प्रत्यक्षात अनेक UIDAI केंद्रांवर विद्यार्थ्यांकडून ₹100 किंवा त्यापेक्षा अधिक रक्कम आकारली जात असल्याचे स्पष्ट झाले आहे .

ही “फ्री सेवा” पैशांत विकली जात असल्यामुळे पालकांमध्ये संताप व्यक्त केला जातो आहे .

---

जिल्हाधिकाऱ्यांना निवेदन सादर

या पार्श्वभूमीवर वंचित बहुजन आघाडीचे जिल्हाध्यक्ष मा. योगेश रघुनाथ साठे यांनी जिल्हाधिकारी मा. पंकज आशियाना यांना निवेदन देऊन संबंधित सर्व UIDAI केंद्रांना शासनाच्या निर्णयानुसार कार्यवाहीचे आदेश द्यावेत, अशी ठाम मागणी केली आहे .

निवेदनात असे नमूद करण्यात आले आहे की —

“विद्यार्थ्यांकडून अवाजवी शुल्क आकारणाऱ्या केंद्र चालकांवर कायदेशीर कारवाई करावी आणि त्यांचा परवाना रद्द करण्यात यावा!”

ही मागणी केवळ विद्यार्थ्यांच्या हितासाठीच नव्हे, तर संपूर्ण शिक्षण व्यवस्थेतील पारदर्शकतेसाठी आवश्यक असल्याचे आघाडीच्या पदाधिकाऱ्यांचे मत आहे .

---

विद्यार्थ्यांनी तक्रार करावी — योगेश साठे यांचे आवाहन

पत्रकारांशी संवाद साधताना जिल्हाध्यक्ष योगेश साठे म्हणाले —

“५ ते १७ वयोगटातील कोणत्याही विद्यार्थ्याकडून आधार कार्ड अपडेटसाठी पैसे मागितले गेल्यास, कृपया त्या पावतीसह तक्रार जिल्हाधिकारी कार्यालयात करा किंवा वंचित बहुजन आघाडीच्या कार्यकर्त्यांशी संपर्क साधा. आम्ही ती तक्रार शासनापर्यंत पोहोचवू!”

त्यांनी सर्व पालकांना एकत्र येऊन अन्यायाविरुद्ध आवाज उठवण्याचे आवाहन केले.

---

उपस्थित मान्यवर

या निवेदनावेळी जिल्हाध्यक्ष योगेश साठे, जिल्हा महासचिव प्रसाद भिवसने, भिंगार शहराध्यक्ष राजीव भिंगारदिवे, जिल्हा संघटक सुधीर ठोंबे, शहराध्यक्ष हनीफ शेख, जिल्हा सल्लागार जे. डी. शिरसाठ, नगर तालुकाध्यक्ष रविकिरण जाधव, युवा शहराध्यक्ष अॅड. योगेश गुंजाळ, प्रवीण ओरे, गणेश राऊत, सुरेश पानपाटील, फिरोज पठाण, बुद्धभूषण भिवसने, अजित कुऱ्हाडे, संकेत शिंदे, कौशिक गाडे, देविदास भालेराव आदी मान्यवर उपस्थित होते.

---

जनतेचा प्रतिसाद

सोशल मीडियावर या विषयावर मोठी चर्चा रंगू लागली आहे. अनेक पालकांनी “आधार अपडेटसाठी घेतली जाणारी फी म्हणजे विद्यार्थ्यांची लूट” असे म्हणत आपला रोष व्यक्त केला आहे.

पालकांचे म्हणणे आहे की – “शासन मोफत सांगतं, पण केंद्रावर पैसे घेतात; हे थांबलेच पाहिजे!”

---

वंचित बहुजन आघाडीचा इशारा

जर काही UIDAI केंद्रांनी ही वसुली थांबवली नाही, तर वंचित बहुजन आघाडी रस्त्यावर उतरून आंदोलन करेल असा इशारा जिल्हाध्यक्षांनी दिला आहे .

त्यांनी सांगितले की, “विद्यार्थ्यांवर अन्याय होऊ देणार नाही. शासनाच्या प्रत्येक निर्णयाची अंमलबजावणी झालीच पाहिजे.”

---

अधिकृत प्रसिद्धीसाठी:
योगेश साठे
जिल्हाध्यक्ष – वंचित बहुजन आघाडी, अहिल्यानगर
७७७४९७०९८