⚡ उज्ज्वला थिटेंच्या उमेदवारी अर्जावर मोठा झटका! कोर्टानेही अपील फेटाळली 🚫📄

अर्ज बाद आणि कोर्टातील अपील उमेदवारी अर्ज छाननीत बाद झाला.

Last updated Nov 27, 2025

उज्ज्वला थिटेंच्या उमेदवारी अर्जावर मोठा झटका! कोर्टानेही अपील फेटाळली

सोलापूर: सोलापूर जिल्ह्यातील अनगर नगरपंचायती निवडणुकीत राजकीय थरार कायम आहे. राष्ट्रवादी काँग्रेसच्या उमेदवार उज्ज्वला थिटे यांनी माजी आमदार राजन पाटील यांच्या सूनबाईंविरोधात उमेदवारी अर्ज दाखल केला होता. हा अर्ज दाखल करताना त्यांना पोलीस संरक्षणही मिळाले होते, कारण आधीच्या काही घटनांमुळे त्यांचा सुरक्षा धोका होता.

अर्ज बाद आणि कोर्टातील अपील

उमेदवारी अर्ज छाननीत बाद झाला. यानंतर उज्ज्वला थिटे यांनी सोलापूर सत्र न्यायालयात अपील दाखल केली होती. त्यांनी म्हटले होते की, प्रशासनाच्या निर्णयाविरोधात आम्ही न्यायालयात दाद मागणार आहोत. मात्र आज न्यायालयाने उज्ज्वला थिटे यांचा अपील अर्ज फेटाळला.

याबाबत उज्ज्वला थिटेंनी प्रतिक्रिया दिली:

“सत्र न्यायालयाचा निकाल आम्ही मान्य करतो, पण उच्च न्यायालयात जाण्याचा विचार अजून सुरू आहे. जर तिथूनही न्याय मिळाला नाही, तरी परमेश्वराचे दार आहेत. अंतिम निर्णय नंतरच आम्ही उच्च न्यायालयात जाऊ की नाही याबाबत ठरवू.”

अर्ज दाखल करण्यासाठीच्या संघर्षाची कहाणी

उज्ज्वला थिटे मोहोळ तालुक्यातून अनगर नगरपंचायत निवडणूक कार्यालयापर्यंत पोहचताना अनेक अडचणींना सामोरे गेल्या.

14 आणि 15 नोव्हेंबर रोजी त्यांनी निवडणूक अधिकारी कार्यालयाकडे जाण्याचा प्रयत्न केला, पण रस्त्यावर ट्राफिक जाममुळे पोहचता आले नाही.
16 नोव्हेंबर रोजी पोलीस ठाण्यात दिवसभर बसून पोलीस बंदोबस्त मागितला, पण सुरक्षेची सोय नाही मिळाली.
17 नोव्हेंबर रोजी उमेदवारी अर्ज भरण्यासाठी जाण्याच्या प्रयत्नात त्यांना राजन पाटील यांच्या कार्यकर्त्यांनी अडवले.