खोटं लपवण्यासाठी कारवाईचा फार्स?

खोटं लपवण्यासाठी कारवाईचा फार्स? जिल्हा परिषद घोटाळ्यात मोठा खुलासा – खऱ्या दोषींवर अजूनही कारवाई नाही!

नगर प्रतिनिधी | मेट्रो न्यूज एक्सक्लुझिव्ह
जिल्हा परिषद सार्वजनिक बांधकाम उत्तर विभागात मोठा आर्थिक घोटाळा उघडकीस! 28 नोव्हेंबर 2024 रोजी एका ठेकेदाराच्या कपातीचा पैसा थेट वर्ग 3 कर्मचाऱ्यांनी स्वतःच्या खात्यावर भरला – आणि लगेचच त्यांच्यावर कारवाई झाली. पण खरी गंमत इथेच सुरू होते…

मुख्य दोषी मात्र मोकाट?
मानव विकास परिषदेचे संस्थापक अध्यक्ष अफसर शेख यांनी दिलेल्या निवेदनात धक्कादायक आरोप – संबंधित सहाय्यक लेखा अधिकारी फुगारे आणि कार्यकारी अभियंता शेवाळे यांच्या सह्या असलेल्या धनादेशानेच हा व्यवहार झाला. म्हणजे संमती आणि हस्ताक्षर यांच्याशिवाय व्यवहार होणे अशक्य! मग फक्त कनिष्ठ कर्मचाऱ्यावरच कारवाई का?

मुख्यमंत्र्यांपर्यंत पोहोचली तक्रार
या प्रकरणाची चौकशी होऊन सर्व संबंधितांवर कारवाई व्हावी, अशी मागणी मुख्यमंत्री कार्यालयाकडे करण्यात आली आहे. शिवाय लेखा अधिकाऱ्यांनी दिलेल्या मंजूर्या, धनादेश आणि जंगम मालमत्तेची देखील सखोल चौकशी व्हावी, अशी जोरदार मागणी शेख यांनी केली.

21 जुलैपासून आमरण उपोषणाची तयारी
जर या गंभीर प्रकरणात कारवाई झाली नाही, तर 21 जुलै 2025 पासून जिल्हा परिषद कार्यालयासमोर आमरण उपोषण करण्यात येणार असल्याचा इशारा मानव विकास परिषदेने दिला आहे.

“फक्त कनिष्ठ कर्मचाऱ्यांवर कारवाई म्हणजे मुख्य दोषींना वाचवण्याचा डाव!”

#ZPScam #JusticeForTruth #AfsarSheikhVoice #ExposeTheCorrupt #MetroNewsInvestigation

तुमच्या मताने काय – वरच्यांवर कारवाई होईल का? कमेंटमध्ये सांगा!