महाराष्ट्राच्या राजकारणात ऐतिहासिक क्षण!

 

मराठा समाजाच्या आरक्षणासाठी गेली अनेक दशके संघर्ष सुरू होता. पण अखेर हा संघर्ष रंगला आणि विजय मराठा बांधवांच्या पदरात पडला. मुंबईत झालेलं आंदोलन मागण्या मान्य झाल्यानंतर संपुष्टात आलं आणि राज्यभरात गुलाल, फटाके आणि जल्लोषाने आनंदोत्सव साजरा करण्यात आला.

या आंदोलनाचं नेतृत्व करणारे मनोज जरांगे पाटील आता मराठा आरक्षणाचे किंग म्हणून ओळखले जात आहेत, तर या लढ्याला मार्ग दाखवणारे मा. ना. राधाकृष्ण विखे पाटील किंगमेकर ठरले आहेत.

---

संघर्षाची पार्श्वभूमी

मराठा आरक्षणाचा मुद्दा तब्बल 50 वर्षांपासून गाजत होता. अनेक आंदोलने, शेकडो मोर्चे, अगदी बलिदान देखील झाले, तरी तोडगा निघाला नव्हता. पण आंतरवली सराटी या छोट्याशा गावातून उठलेल्या मनोज जरांगे पाटलांनी आपलं आयुष्यच या प्रश्नाला वाहिलं. त्यांनी आमरण उपोषणाचा मार्ग स्वीकारला आणि महाराष्ट्रातील कोट्यवधी मराठा बांधवांनी त्यांना पाठिंबा दिला.

---

मुंबई ठप्प – पण आंदोलन शांततापूर्ण

गजबजलेली मुंबई पाच दिवस जणू थांबली होती. ट्रॅफिक जाम, व्यवसाय ठप्प, पण आश्चर्य म्हणजे या आंदोलनात कुठलीही हिंसा झाली नाही. हे आंदोलन लोकशाही पद्धतीनं आणि शांततेत झालं, हीच त्याची ताकद ठरली.

---

सरकारशी वाटाघाटी

मुख्यमंत्र्यांनी सलग बैठका घेतल्या. जबाबदारी सोपवली गेली जलसंपदामंत्री राधाकृष्ण विखे पाटील, विजयेंद्रराजे भोसले, माणिकराव कोकाटे आणि गिरीश महाजन यांच्यावर. विखे पाटलांनी मांडलेला मसुदा तीन तास चर्चेनंतर जरांगे पाटलांनी लाखोंच्या समाजबांधवांची परवानगी घेऊन मंजूर केला आणि आरक्षणाचा मार्ग मोकळा झाला.

---

विद्यार्थ्यांचे उज्ज्वल भविष्य

या लढ्याचा मुख्य उद्देश होता गरजू विद्यार्थ्यांना शिक्षण व नोकरीत संधी मिळावी. त्यासाठी कायदेशीर लढा उभारला गेला, सुप्रीम कोर्टापर्यंत दाद मागितली गेली. आता मराठा समाजाला ओबीसी आरक्षण मिळण्याचा मार्ग खुला झाला असून अनेकांचे भविष्य उज्ज्वल होणार आहे.

---

पावसात सुरू झालेला संघर्ष, यशात संपला

२७ ऑगस्ट रोजी लाखो मराठा बांधव गाड्यांच्या ताफ्यासह मुंबईकडे रवाना झाले आणि २९ तारखेला आझाद मैदानावर मुसळधार पावसात उपोषण सुरू केलं. हा लढा फक्त महाराष्ट्रापुरता मर्यादित राहिला नाही, तर देशभर चर्चेचा विषय ठरला. अखेर हा ऐतिहासिक विजय समाजाच्या पदरात पडला.

---

निष्कर्ष:
“जरांगे किंग – विखे किंगमेकर” हे समीकरण आज राज्यभर चर्चेत आहे. मराठा समाजाचा विजय हा केवळ एका समाजाचा नाही, तर लोकशाही लढ्याची ताकद काय असते याचं उदाहरण आहे.