“मका पिकावर लष्करी अळीचा हल्ला!

शेतकऱ्यांनो, आजच हे उपाय करा नाहीतर होईल जबरदस्त नुकसान!" 🚜🪲

Last updated Jul 3, 2025

“मका पिकावर लष्करी अळीचा हल्ला! शेतकऱ्यांनो, आजच हे उपाय करा नाहीतर होईल जबरदस्त नुकसान!”

अहमदनगर जिल्ह्यात मका पिकावरील लष्करी अळीचा प्रकोप वाढतोय. २०% ते थेट ६०% पर्यंत नुकसान करण्याची क्षमता असलेली ही कीड, शेतकऱ्यांसाठी मोठं संकट बनली आहे. पण काळजी नको – आम्ही घेऊन आलोय तज्ज्ञांचे प्रभावी उपाय, वाचाच आणि शेअर कराच!

ही “लष्करी अळी” नेमकी असते तरी काय?

ढगाळ हवामानात अमेरिकन लष्करी अळी (Spodoptera frugiperda) मका पिकावर जोरदार हल्ला करते.
अंडी, अळी, कोष, पतंग – अशा चार टप्प्यात तिचं आयुष्य पूर्ण होतं.
अळ्या सुरुवातीला पानं कुरतडतात, मग पोंग्यात घुसून आतील भाग खातात.
पोंग्यात विष्ठा साचल्यामुळे पानांची प्रत घसरते, आणि तुरा बाहेर येत नाही.
परिपक्व अळी पिकाचं मोठं नुकसान करते आणि नंतर मातीच्या आत लपते.