बेस्ट पतपेढीच्या निवडणुकीत ठाकरे गटाचा मोठा धक्का! 💥

पराभवानंतर ठाकरे गटाचे बेस्ट कामगार सेनेचे अध्यक्ष सुहास सामंत यांनी थेट भाष्य केलं.

Last updated Aug 20, 2025

BIG POLITICAL TWIST IN MUMBAI!
बेस्ट पतपेढीच्या निवडणुकीत ठाकरे गटाचा मोठा धक्का!

मुंबईच्या राजकीय वर्तुळात गेल्या काही दिवसांपासून गाजत असलेल्या दी बेस्ट एम्प्लॉईज को-ऑपरेटिव्ह क्रेडिट सोसायटीच्या निवडणुकीचा निकाल अखेर जाहीर झाला आहे. या निवडणुकीकडे सगळ्यांचे लक्ष लागले होते कारण ती ठाकरे बंधूंच्या राजकीय ताकदीची एक लिटमस टेस्ट मानली जात होती. पण निकालाने सगळ्यांना धक्का दिला!

ठाकरे बंधूंच्या उत्कर्ष पॅनेलला एकही जागा मिळाली नाही. 21 पैकी 21 जागा गमावल्याने हा इतिहासातील सर्वात मोठा पराभव मानला जातोय. या निकालामुळे शिवसेना (उद्धव बाळासाहेब ठाकरे गट) आणि मनसे दोन्ही गटांसाठी ही मोठी चिंतेची बाब बनली आहे.

पराभवानंतर ठाकरे गटाचे बेस्ट कामगार सेनेचे अध्यक्ष सुहास सामंत यांनी थेट भाष्य केलं. त्यांनी स्पष्ट शब्दांत कबूल केलं की,

“भाजपने पैशांचा प्रचंड वापर केला. या पैशासमोर आम्ही टिकू शकलो नाही. आम्ही पैशांच्या आणि संपर्क साधण्याच्या बाबतीत कमी पडलो. कर्मचारी आमच्यासोबत राहतील असं वाटलं होतं, पण आता ट्रेंड बदलला आहे.”

त्यांनी पुढे जिंकलेल्या उमेदवारांचं अभिनंदन करताना एवढीच अपेक्षा व्यक्त केली की –
“बेस्ट पतपेढी ज्या उंचीवर गेल्या 9 वर्षांत नेली, तीच उंची टिकवा आणि कर्मचाऱ्यांची खरी सेवा करा.”

सामंत यांनी भाजपवर आरोप करताना सांगितलं की,
“भाजप या साध्या पतपेढीच्या निवडणुकीतही संपूर्ण यंत्रणा, पैसा आणि सत्ता वापरते. ही धोक्याची घंटा आहे. त्यांच्यापासून सावध राहिलं पाहिजे.”

ठाकरे ब्रँड कधी संपणार नाही!
या पराभवानंतर ठाकरे गटाचे खासदार संजय राऊत यांनी प्रतिक्रिया देताना म्हटलं की –
“ही एक छोटी स्थानिक निवडणूक आहे. निकालावर फार काही बोलण्यासारखं नाही. पण एक गोष्ट मात्र नक्की, ठाकरे ब्रँड कधीच संपणार नाही!

सोशल मीडियावर आता या निवडणुकीचा निकाल जोरदार चर्चेत आहे. अनेक जण याला “राजकीय भूकंप” तर काही जण “ठाकरे गटाला दिलेला रिअॅलिटी चेक” असं म्हणतायत.