BREAKING | पैशांपायी थेट मर्डर अटेंप्ट! संगमनेरमध्ये अल्पवयीनाचं थरारक कृत्य

संगमनेर | परदेशपुरा

दारू पिण्यासाठी पैसे न दिल्याचा राग मनात धरून १७ वर्षीय अल्पवयीन मुलाने थेट डोक्यात दगड मारून माणूस मारण्याचा प्रयत्न केल्याची थरारक घटना संगमनेरमध्ये घडली आहे.

जखमी व्यक्ती – सुहास वाघमारे (जिल्हा शिक्षण व प्रशिक्षण केंद्रात तंत्रज्ञ) हे रात्री साडे १२ च्या सुमारास परदेशपुरा येथील देशी दारूच्या दुकानासमोरून जात असताना, नशेत बुडालेल्या अल्पवयीन मुलाने त्यांच्याकडे दारूसाठी पैसे मागितले.

वाघमारे यांनी पैसे देण्यास नकार दिल्यावर रागावलेल्या अल्पवयीनाने, आधी त्यांना मारहाण केली आणि नंतर जमिनीवर पाडून डोक्यात दगडाचे घाव घालून त्यांना रक्ताच्या थारोळ्यात टाकलं!

संपूर्ण प्रकार सीसीटीव्हीत कैद!
पोलिसांनी दारू दुकानाजवळील सीसीटीव्ही फुटेज तपासले असता, आरोपी तरुण दगडाने डोक्यात घाव घालताना स्पष्ट दिसतो.

या अल्पवयीन गुन्हेगारावर आधीपासून गुन्हे दाखल असून, पोलिसांनी त्याला ताब्यात घेऊन गुन्हा नोंदवला आहे.

सवाल असा की, अल्पवयीनांच्या हातात इतकी क्रूरता कुठून येतेय?
या घटनेने शहरात खळबळ उडाली आहे.

ही बातमी शेअर करा – समाजाला जागं करा!