🔥 दिल्ली हादरलं! मुख्यमंत्री रेखा गुप्ता यांच्यावर जनता दरबारात हल्ला! 🔥

दिल्लीच्या सिव्हिल लाईन्स परिसरात आज सकाळी एक धक्कादायक घटना घडली

Last updated Aug 20, 2025

दिल्ली हादरलं! मुख्यमंत्री रेखा गुप्ता यांच्यावर जनता दरबारात हल्ला!

दिल्लीच्या सिव्हिल लाईन्स परिसरात आज सकाळी एक धक्कादायक घटना घडली . भाजपच्या मुख्यमंत्री रेखा गुप्ता यांच्यावर थेट जनता दरबारातच हल्ला झाला!

मुख्यमंत्री रेखा गुप्ता आपल्या कॅम्प ऑफिसमध्ये जनसुनावणी घेत होत्या. लोकांनी आपल्या तक्रारी, निवेदने त्यांच्याकडे देण्यास सुरुवात केली होती. त्याचदरम्यान एका व्यक्तीने निवेदन देताच अचानक आक्रमक होत गुप्ता यांना शिवीगाळ केली आणि कानाखाली जोरदार मारली!

एवढ्यावरच थांबला नाही तर आरोपीने त्यांचे केस पकडून वारंवार मारहाण केली. या प्रकारामुळे दरबारात जबरदस्त गोंधळ उडाला. सुरक्षारक्षकांनी लगेच हस्तक्षेप करून त्या व्यक्तीला पोलिसांच्या ताब्यात दिले. पोलिस आता या प्रकरणाची चौकशी करत आहेत.

मिळालेल्या माहितीनुसार, आरोपीचे वय 35 वर्षे आहे. चौकशीत त्याने न्यायालयीन खटल्याचा संदर्भ दिल्याचे कळते. मात्र, हल्ल्यामागचं नेमकं कारण अद्याप स्पष्ट झालेलं नाही. दिल्ली भाजप प्रवक्ते प्रवीण शंकर कपूर यांनी सांगितले की, हा व्यक्ती नैराश्यात गेलेल्या एका राजकीय पक्षाशी संबंधित असू शकतो.

भाजप दिल्ली अध्यक्ष वीरेंद्र सचदेवा यांनी या घटनेचा तीव्र निषेध करत मुख्यमंत्री रेखा गुप्ता यांच्या सुरक्षिततेबाबत गंभीर प्रश्न उपस्थित केले. तर भाजप नेते रमेश बिधुरी यांनी म्हटलं की, “हा हल्ला सार्वजनिक सुनावणी प्रक्रियेत अडथळा आणण्यासाठीच करण्यात आला आहे.”

👩‍⚕️ घटनास्थळी डॉक्टरांना बोलावून मुख्यमंत्र्यांची वैद्यकीय तपासणी करण्यात आली. किती जखमा झाल्या आहेत याची माहिती लवकरच समोर येणार आहे.

या घटनेने राजकीय वर्तुळासोबतच सामान्य नागरिकांमध्येही मोठी खळबळ उडाली आहे. मुख्यमंत्री पदावरील व्यक्तीवर अशा पद्धतीने हल्ला होणे ही लोकशाहीसाठी धोक्याची घंटा मानली जात आहे .

हा हल्ला सुरक्षेतील त्रुटी दाखवतो का? की यामागे आणखी काही मोठं षड्यंत्र आहे? हे पुढील चौकशीत स्पष्ट होईल. पण एक गोष्ट नक्की – राजकारणातला तणाव आता थेट जनतेसमोर हिंसक रूपाने समोर येऊ लागला आहे!