#EducationCrisis | अहमदनगर जिल्ह्यात मोठा धक्का!
शेकडो शाळा अजूनही मुख्याध्यापकांविना चालत आहेत!
विद्यार्थ्यांचे भविष्य धोक्यात?

अहिल्यानगर : विद्यार्थ्यांच्या उज्ज्वल भवितव्यासाठी शाळेत मुख्याध्यापक असणे किती गरजेचे आहे हे सांगायलाच नको. पण दुर्दैवाने, नगर जिल्ह्यातील शेकडो शाळा गेल्या वर्षभरापासून मुख्याध्यापकांविना चालत आहेत.

मुख्याध्यापकांची जागा रिक्त असल्याने अनेक शाळांमध्ये वरिष्ठ शिक्षकांवर दुहेरी जबाबदारीचा डोंगर कोसळला आहे. तेवढेच नाही तर वर्गही सांभाळायचे आणि प्रशासनाची कामेही करायची! या ताणामुळे अध्यापनाची गुणवत्ता घटत आहे आणि त्याचा थेट फटका विद्यार्थ्यांना बसतो आहे.

राष्ट्रवादी काँग्रेस (शरद पवार गट) सामाजिक न्याय विभागाचे नगर तालुकाध्यक्ष चंद्रशेखर पंचमुख यांनी शिक्षणाधिकारी भास्कर पाटील यांना निवेदन देऊन या गंभीर प्रश्नाकडे लक्ष वेधले. त्यांचा ठाम आग्रह –

“शिक्षकांना तातडीने पदोन्नती द्या, अन्यथा विद्यार्थ्यांचे शैक्षणिक नुकसान भरून निघणार नाही!”

शिक्षण विभागाने अनेकदा “लवकरच पदोन्नती होईल” असा दावा केला होता, पण प्रत्यक्षात आजवर काहीच हालचाल नाही. उलट दरवेळी याद्या काढल्या जातात, माहिती मागवली जाते… पण नियुक्ती मात्र थांबलेलीच आहे.

धक्कादायक बाब म्हणजे – 2025 च्या बदली प्रक्रियेत फक्त 2 मुख्याध्यापकांच्या बदल्या झाल्या. बाकीच्या शेकडो जागा अजूनही रिक्त आहेत! पुणे आणि कोल्हापूर जिल्ह्यात पदोन्नती प्रक्रियेत गती आली असताना अहमदनगर मात्र मागे पडला आहे.

पंचमुख यांनी सरकारला अल्टिमेटम दिला आहे –
“5 सप्टेंबर, शिक्षक दिनापर्यंत मुख्याध्यापक पदोन्नती प्रक्रिया पूर्ण झाली पाहिजे. अन्यथा आम्हाला आंदोलनाचा मार्ग स्वीकारावा लागेल!”

---

#MetroUpdate |
विद्यार्थ्यांचे भविष्य, शिक्षकांचा हक्क आणि शिक्षणाची गुणवत्ता – या सगळ्याचा तोल राखण्यासाठी हा मुद्दा सोडवणे अत्यंत महत्त्वाचे आहे.

तुमच्या गावातील शाळेतही मुख्याध्यापकांची जागा रिक्त आहे का?
कमेंटमध्ये नक्की सांगा!

#Education #StudentsFirst #Ahmednagar #MetroNews