महामार्गावर धुमाकूळ घालणाऱ्या “कोयता गँग”चा पर्दाफाश!
सुपा पोलिस व स्थानिक गुन्हे अन्वेषण विभागाची संयुक्त कारवाई – सात आरोपी गजाआड!

अहिल्यानगर-पुणे महामार्गावर गेल्या तीन वर्षांपासून प्रवाशांच्या मनात दहशत माजवणारी कोयता गँग अखेर पोलिसांच्या जाळ्यात अडकली आहे! रस्त्यात उभं राहून प्रवाशांना धारदार शस्त्रं दाखवून लुटणारे हे टोळीकर अखेर सुपा पोलिस ठाण्याचे निरीक्षक ज्योती गडकरी आणि स्थानिक गुन्हे अन्वेषण विभागाचे निरीक्षक किरणकुमार कबाडी यांच्या धडाकेबाज कारवाईमुळे गजाआड झाले आहेत.

घटना काय?
चार दिवसांपूर्वी महामार्गावर दोन ठिकाणी लूट झाली होती. एका प्रवाशाची मोटरसायकल कोयत्याचा धाक दाखवून चोरून नेण्यात आली. या घटनेनंतर पोलिसांनी सापळा रचला आणि गुप्त खबऱ्याच्या माहितीच्या आधारे मास्टरमाइंड यश भाऊसाहेब शिरसाठ (गांधीनगर, बोलेगाव) याच्यापर्यंत धागा पोहोचला. तो स्वतः रस्त्यावर उतरायचा नाही, तर इतर तरुणांना व अल्पवयीन मुलांना “ट्रेनिंग” देऊन चोरी करून घ्यायचा!

गँगची स्टाईल ऑफ क्राईम:

• अंधारात रस्त्यावर उभं राहून प्रवाशांना घेरायचं

• धारदार शस्त्रं (कोयते, चाकू) दाखवून भीती निर्माण करायची

• पैसे, मोबाईल, दागिने, मोटारसायकल लुटायची

• हरविक्रेते, प्रवासी, कामगार – सगळ्यांवर हल्ले

दोन वर्षांपूर्वीही याच गँगने हार विक्रेत्यांना धमकावून लूटमार केली होती. त्या घटनेनंतर या भागात कायम भीतीचं वातावरण होतं.

जाळ्यात अडकलेले आरोपी:

• मास्टरमाइंड यश शिरसाठ

• अथर्व रमेश सूर्यवंशी (१९, नवनाथ नगर, बोलेगाव)

• साहिल अतीब शेख (२१, गांधीनगर, बोलेगाव)

• तीन अल्पवयीन मुलं (१७ वर्षे, गांधीनगर बोलेगाव परिसर)

याशिवाय आदित्य लुकास भोसले, चेतन संतोष सरोदे, नयन दादू पाटोळे या टोळीशी संबंधित आरोपींनाही पोलिसांनी पकडलं आहे.

Metro News Portal सांगतं:
या कारवाईमुळे महामार्गावरील प्रवाशांनी सुटकेचा श्वास सोडला आहे . सुपा पोलीस व LCB च्या तत्परतेमुळे प्रवाशांवर दहशत माजवणारी गँग थेट तुरुंगाच्या मागे गेली आहे.

पण प्रश्न अजूनही तसाच आहे – गुन्हेगार सतत अल्पवयीन मुलांना हाताशी का धरतात? समाजानेही याकडे लक्ष देऊन अशा मुलांना चुकीच्या वाटेवर जाऊ न देता योग्य दिशा देणं आवश्यक आहे!

महामार्गावर आता पुन्हा सुरक्षित वातावरण निर्माण होण्याची अपेक्षा आहे.

#KoytaGang #SupaPolice #CrimeUpdate #MetroNews #AhmednagarToPuneHighway