अहिल्यानगर सिव्हिल हॉस्पिटलमध्ये दिव्यांग बांधवांची आर्थिक लूट? 

 अहिल्यानगर सिव्हिल हॉस्पिटलमध्ये दिव्यांग बांधवांची आर्थिक लूट? 
प्रशासनाचे डोळेझाक – नागरिकांचा संताप उफाळला!

अहिल्यानगरच्या जिल्हा शासकीय रुग्णालयात (सिव्हिल हॉस्पिटल) दर बुधवारी दिव्यांग प्रमाणपत्र मिळवण्यासाठी येणाऱ्या दिव्यांग बांधवांची अक्षरशः लूट सुरू असल्याचा धक्कादायक प्रकार समोर आला आहे. 

 काय आहे प्रकरण?
सिव्हिल हॉस्पिटलच्या आवारात एक खासगी इसम थेट कॉम्प्युटर लावून दिव्यांग बांधवांना ऑनलाईन प्रमाणपत्र देतो आणि त्यासाठी प्रत्येकी ₹१५० शुल्क घेतो. हे सगळं सर्रासपणे, उघडपणे आणि बिनधास्त सुरू आहे. 

 विशेष म्हणजे, ही सेवा सिव्हिल हॉस्पिटल प्रशासनाने अधिकृतपणे सुरू केलेली नसूनही, हा खासगी इसम कोणाच्या परवानगीने हॉस्पिटलच्या आवारात बसतोय, याबाबत गंभीर प्रश्नचिन्ह उपस्थित होत आहे. 

 प्रश्न उपस्थित करणारे मुद्दे –

• हा इसम रोज किती जणांकडून पैसे घेतोय? 
• ही रक्कम कोणाच्या खिशात जाते? 
• प्रशासन कुठे आहे? 
• सिव्हिल सर्जन व आर.एम.ओ. यांची भूमिका काय? 

 फक्त हेच नाही!
सिव्हिल हॉस्पिटलच्या आवारात अनेक अनधिकृत हॉटेल्स, हातगाड्या, आणि उघड्यावर अन्न विक्री सुरू आहे. ह्या ठिकाणी आरोग्य नियमांचे तीनतेरा वाजलेले दिसून येत आहेत. 

 दिव्यांग बांधवांची व्यथा:
“आम्ही प्रमाणपत्रासाठी आलोय, पण इथे आम्हाला आर्थिक शोषणाला सामोरे जावे लागते. हे सगळं पाहून वाटतं की, आपलीच व्यवस्था आपल्यावर अन्याय करत आहे.” – एका दिव्यांग बांधवाचे दुःखद अनुभव 

 एका अधिकाऱ्याने कबुल केलं की, “दिव्यांग बांधवांना इकडून तिकडे हेलपाटे घालावे लागतात, त्यामुळेच ते खासगी इसमाला पैसे देतात.” पण प्रश्न असा आहे की, सरकारी यंत्रणा कुठे आहे?

 या सगळ्याच्या मुळाशी कोण?
हा इसम कोण आहे? तो कुणाच्या संमतीने तिथे बसतो? सिव्हिल हॉस्पिटल प्रशासनच त्यामागे आहे का? की कोणीतरी वरची मर्जी चालते आहे?

 लोकांची मागणी –
 या प्रकरणाची सखोल चौकशी व्हावी
 दोषींवर कठोर कारवाई व्हावी
 दिव्यांग बांधवांसाठी फुकट व सुलभ सेवा उपलब्ध व्हावी

 अशीच चालू राहिली तर दिव्यांग बांधवांसाठी रुग्णालय नव्हे, तर शोषण केंद्रच ठरेल!

 

 सिव्हिल प्रशासनाला जागे करा, अन्यथा जनतेचा रोष पेटेल! 
#DivyangLoot #CivilHospitalScam #Ahilyanagar #DivyangRights #MetroNewsVirals #AdminFailure #VoiceOfTheVoiceless