लोकशाहीर अण्णाभाऊ साठेंचा पूर्णाकृती पुतळा लवकरच अहिल्यानगरमध्ये उभारला जाणार!
आ. संग्राम जगताप यांच्याकडून मातंग समाजाच्या दीर्घकाळच्या मागणीला हिरवा कंदील!
लोकशाहीर अण्णाभाऊ साठेंचा पूर्णाकृती पुतळा लवकरच अहिल्यानगरमध्ये उभारला जाणार!
आ. संग्राम जगताप यांच्याकडून मातंग समाजाच्या दीर्घकाळच्या मागणीला हिरवा कंदील! 
मातंग समाजासाठी अभिमानाची आणि ऐतिहासिक बातमी! 
अहिल्यानगरमध्ये लवकरच लोकशाहीर अण्णाभाऊ साठे यांचा पूर्णाकृती पुतळा उभारण्यात येणार असल्याची घोषणा आमदार संग्राम जगताप यांनी केली आहे. ही घोषणा १ ऑगस्ट रोजी अण्णाभाऊंच्या जयंतीच्या दिवशी करण्यात आली आणि त्यानंतर समाजात मोठा उत्साह आणि समाधानाची लाट उसळली आहे. 
सामाजिक कार्यकर्ते सुभाष वाघमारे यांनी सांगितले की, १८ नोव्हेंबर २०२४ रोजी अहिल्यानगर व भिंगारमध्ये झालेल्या मातंग समाज मेळाव्यात आ. जगताप यांनी पुतळा उभारण्याचे आश्वासन दिले होते. त्यानुसार आता ही घोषणा प्रत्यक्षात येताना दिसत आहे, आणि संपूर्ण समाजात आनंदाचे वातावरण आहे. 
वाघमारे म्हणाले, “ही मागणी फक्त राजकीय घोषणाबाजी नव्हे, तर समाजाच्या आत्मसन्मानाचा मुद्दा आहे.”
या पुतळ्याचे उद्घाटन १ ऑगस्ट २०२६ पर्यंत करण्यात येणार आहे, अशी समाजबांधवांना खात्री आहे.
या ऐतिहासिक उपक्रमासाठी पुढील कार्यकर्ते आणि नेतेमंडळींनी आपला सक्रिय सहभाग नोंदवला आहे –
प्रकाश घोरपडे, प्रदीप वावरे, रामभाऊ वडागळे, गणेश पेटारे, मनोज साठे, दीपक पाचरणे, संकेत लोखंडे, अंकुश सकट, सागर खरे, नाना साबळे, पप्पू शिंदे, लखन वैरागर, अक्षय वैरागर, विजय क्षीरसागर, प्रदीप घोरपडे, आकाश सरोदे आणि इतर असंख्य कार्यकर्ते.
अनेक पक्ष आणि संघटनांनी या निर्णयाचे स्वागत केले असून, लोकशाहीर अण्णाभाऊ साठेंचा पुतळा हा मातंग समाजासाठीच नव्हे, तर संपूर्ण महाराष्ट्रासाठी प्रेरणादायी ठरेल, असा विश्वास व्यक्त करण्यात येत आहे.
“ही केवळ घोषणा नाही, तर सामाजिक न्यायाची दिशा आहे!” – असे मत सोशल मीडियावर अनेकांनी व्यक्त केले आहे.
लवकरच पुतळा उभारणीस सुरुवात होईल आणि २०२६ च्या अण्णाभाऊ साठे जयंतीला समाजाला एक मोठं स्मारक मिळेल, याकडे सर्वांचे लक्ष लागले आहे.
#AnnabhauSathe
#MatangSamaj 
#SangramJagtap
#AhilyanagarNews
#SocialJustice 
#ViralNews 
#ProudMoment 
#MetroPortalUpdate 