नगरमध्ये फुटबॉलचा महाउत्सव! सुब्रतो कपमधून ऑलिंपिकसाठी नवी पिढी घडवणार – जिल्हाधिकारी डॉ. पंकज आशिया यांचा विश्वास
नगरच्या क्रीडा इतिहासात सुवर्णक्षण!
सुब्रतो कपमधून ऑलिंपिकसाठी नवी पिढी घडवणार – जिल्हाधिकारी डॉ. पंकज आशिया यांचा विश्वास 
नगरच्या क्रीडा इतिहासात सुवर्णक्षण! 
पहिल्यांदाच जिल्ह्यात राज्यस्तरीय सुब्रतो मुखर्जी फुटबॉल कप (State Level Football Tournament) धडाक्यात सुरू झाला. उद्घाटन सोहळ्यात आमदार संग्राम जगताप यांनी सांगितले की, या स्पर्धेतून खेळाडूंची कौशल्य देवाण-घेवाण होईल आणि राज्यभरातील टॅलेंट एकत्र येईल. तर जिल्हाधिकारी डॉ. पंकज आशिया यांनी थेट घोषणा केली – “या स्पर्धेतूनच ऑलिंपिकसाठी फुटबॉलपटू घडतील!” 
स्पर्धेची ठळक वैशिष्ट्ये:
- महाराष्ट्रातील 8 विभागातील विजेते संघ या मैदानावर भिडणार
![🏟️]()
- वयोगट: 15 वर्ष व 17 वर्ष मुलं
![👦]()
![⚽]()
- खेळाडू: 256
![🔥]()
- व्यवस्थापक व मार्गदर्शक: 32
![👔]()
- पंच: 25
![🖤]()
![⚪]()
उद्घाटनात कोण कोण होते?
जिल्हा क्रीडा अधिकारी ज्ञानेश्वर खुरंगे, अहमदनगर कॉलेजचे प्राचार्य नोएल पारगे, रजिस्ट्रार हेमलता भिंगारदिवे, सचिव प्रदीप जाधव, ऑलिंपिक संघटनेचे शैलेश गवळी, तसेच फुटबॉल असोसिएशनचे सचिव रोनक फर्नांडिस यांच्यासह अनेक मान्यवर उपस्थित होते.
आमदार संग्राम जगताप म्हणाले –
“आज शालेय स्तरापासून आंतरराष्ट्रीय पातळीवर भारताचं प्रतिनिधित्व करणारे खेळाडू इथे खेळत आहेत. सातत्य ठेवलं तर त्यांचे गळ्यात नक्कीच सुवर्णपदकं चमकतील!”
डॉ. पंकज आशिया यांनी भर दिला –
“सुब्रतो कप ही फक्त स्पर्धा नाही, हा एक संधीचा दरवाजा आहे. इथूनच महाराष्ट्राच्या फुटबॉलचा भविष्याचा तारा चमकणार आहे!” 
पोलिस बँडच्या सूरात पाहुण्यांचं स्वागत झालं आणि एकजुटीच्या वातावरणात क्रीडा ज्योत प्रज्वलित झाली – क्रीडाज्योतीसोबतच उत्साहही पेटला!
जिल्हा क्रीडा अधिकारी खुरंगे यांनी सांगितलं –
“फुटबॉल हा जागतिक खेळ असून महाराष्ट्रातील तरुणाई यातून पुढे येते आहे. इथले खेळाडू देशाचं उज्ज्वल भविष्य आहेत.”
बिहाइंड द सीन हिरोज:
क्रीडा मार्गदर्शक संतोष वाबळे, प्रियंका खिंडरे, रमेश जगताप आणि पंचांचा चमू – अभिषेक सोनवणे, संकेत बनसोडे, मनीष राठोड, सुमित राठोड, व्हिक्टर जोसेफ, जोनाथन जोसेफ, सचिन पाथरे, अभय साळवे, जेवियर स्वामी, राजेश अँथनी – यांनी स्पर्धा यशस्वी करण्यासाठी घाम गाळला. 
नगरकरांनो, सज्ज व्हा!
पुढच्या काही दिवसांत मैदानावर जबरदस्त टक्कर, गोलांचा पाऊस आणि नव्या चॅम्पियन्सचा जन्म पाहायला मिळणार!
#SubrotoCup #AhmednagarFootball #FutureOlympians #MetroSports #MaharashtraFootball