जामखेडच्या वंजारवाडीचा शैक्षणिक चमत्कार – ड्रायव्हरच्या घरातून डॉक्टर होणाऱ्या ६ मुली! 

 जामखेडच्या वंजारवाडीचा शैक्षणिक चमत्कार – ड्रायव्हरच्या घरातून डॉक्टर होणाऱ्या ६ मुली! 

जामखेड तालुक्यातलं एक छोटंसं गाव – वंजारवाडी (धा). इथे गेल्या ३ वर्षांत तब्बल ६ मुलींची वैद्यकीय शिक्षणासाठी निवड झालीय!  हा काही साधा प्रकार नाही, तर मेहनत, चिकाटी आणि पालकांच्या त्यागाची कहाणी आहे. 

गावातला श्री बाळासाहेब मिसाळ – रोज पिकअप टेम्पो चालवून कुटुंबाचा उदरनिर्वाह करणारे. पण शिक्षणाच्या बाबतीत?  त्यांनी एकच मंत्र पाळला – “जमिनी विका, पण लेकर शिकवा!”  आणि त्यातून घडली प्रेरणादायी कथा.

त्यांच्या तिन्ही मुलांनी ग्रामीण भागात, सरकारी शाळेत शिकून वैद्यकीय क्षेत्रात भरारी घेतली –
 वैष्णवी बाळासाहेब मिसाळ – BAMS (अहिल्यानगर)
 वैभव बाळासाहेब मिसाळ – IISER, भोपाल
 वनश्री बाळासाहेब मिसाळ – MBBS (गव्हरमेंट मेडिकल कॉलेज, जळगाव)

आणि ही फक्त एका घराची गोष्ट नाही!  वंजारवाडीतील इतरही मुलींनी दाखवून दिलं की, मोठं स्वप्न बघायला पैशाची नाही तर जिद्दीची गरज असते –
 ऐश्वर्या आदिनाथ मिसाळ – BHMS
 प्रतिक्षा आजिनाथ जायभाय – BAMS
 अदिती आदिनाथ मिसाळ – BAMS
 स्नेहा संतोष नागवडे – MBBS

 एवढी मोठी कामगिरी असूनही, या मुलांनी खासगी क्लासचं तोंडसुद्धा पाहिलं नाही! रोज ३-४ किलोमीटर पायी चालत शाळा, खामगाव ZP शाळेत प्राथमिक, तर अरणगावमधील शाळेत माध्यमिक शिक्षण – आणि तरीही वैद्यकीय प्रवेशाच्या शर्यतीत टॉपर! 

या यशाचं श्रेय जातं –
 पालकांच्या त्यागाला 
 खामगाव ZP शाळेचे शिक्षक रामहरी बांगर सर व सहकारी 
 श्री अरणेश्वर विद्यालय, अरणगावच्या मार्गदर्शनाला 

 वंजारवाडीच्या या मुलींची कहाणी आज सोशल मीडियावर व्हायरल होतेय, कारण त्यांनी दाखवून दिलं – “स्वप्न मोठं ठेवा, परिस्थिती नाही तर तुमची मेहनत ते पूर्ण करेल!” 

#वंजारवाडीचागौरव  #जामखेडटॅलेंट  #ग्रामीणशिक्षण  #DoctorDreams  #InspirationForAll