‘गदर ३’ मध्ये सनी-नाना आमनेसामने!

मनोरंजन : ‘गदर ३’ मध्ये सनी-नाना आमनेसामने २०२३ मध्ये आलेल्या ‘गदर २’ चित्रपटाने बॉक्स ऑफिसवर अनपेक्षितरीत्या चांगलंच यश मिळवलं. या चित्रपटाद्वारे सनी देओलने अभिनेता म्हणून पुन्हा एकदा सुपरहिट कमबॅक केलं. आता सर्वांना उत्सुकता आहे, ती म्हणजे ‘गदर ३’. अनिल शर्मा आता सनी देओलसोबत ‘गदर’ च्या तिसऱ्या भागाची जय्यत तयारी करत असल्याचे समजते. सनी ‘गदर ३’ मध्ये पुन्हा एकदा तारा सिंहच्या भूमिकेत झळकणार आहे. या चित्रपटात खलनायकाच्या भूमिकेत नाना पाटेकर दिसतील. नाना आणि सनी देओल ‘गदर ३’च्या निमित्ताने अनेक वर्षांनी आमनेसामने येणार आहेत.