BIG EXPOSE | श्रीगोंदा तालुक्यात घरकुल योजनेतील घोटाळा उघडकीस – अनेक अधिकारी-कर्मचाऱ्यांचे हात बरबटले!

श्रीगोंदा : श्रीगोंदा तालुक्यात पंचायत समिती ते ग्रामपंचायत यांच्या संगनमताने घरकुल योजनेत मोठ्या प्रमाणात घोटाळा झाल्याचे समोर आले आहे.

स्थानीय सूत्रांच्या माहितीप्रमाणे, गावात सर्वेक्षण करणाऱ्या सरकारी कर्मचाऱ्यांनी प्रत्येक कुटुंबाकडून २०० रुपये घेतले. त्यानंतर पैसे दिलेल्यांना योजनेत समाविष्ट करण्यासाठी सरपंच, उपसरपंच आणि ग्रामसेवकांनी आग्रह धरला. ग्रामसभेचा ठराव करून लाभार्थ्यांची नावे घरकुल योजनेच्या यादीत समाविष्ट केली गेली.

पहिला हप्ता आधीच दिला

घरकुल बांधकामासाठी १५,००० रुपयांचा पहिला हप्ता थेट लाभार्थ्यांच्या खात्यात जमा करण्यात आला. पण प्रत्यक्ष पाहणी केल्यावर यादीत असलेल्या अनेक लाभार्थ्यांची एक मजली किंवा पक्के घर आधीच उभे असल्याचे उघड झाले.

प्रशासनाच्या माहितीनुसार, या प्रकारची नावे यादीत येऊनही जे काम सुरू केलेले नाही, त्यांच्याकडून पैसे पुनर्वसूल केले जातील. त्यामुळे तालुक्यात अनेकांची धांदल उडण्याची शक्यता आहे.

बनावट घरकुले – तालुक्यात दिमाखात उभ्या

दोन मजली आलिशान घरे आधीच उभी असूनही, त्या लाभार्थ्यांची नावे योजनेत समाविष्ट करून पहिला हप्ता दिला गेला आहे. पुढील हप्ते मनरेगा (नरेगा) मार्फत दिले जातील. या प्रकारामुळे कागदावर बांधलेली बनावट घरकुले तालुक्यात उभ्या राहिल्या आहेत.

कोणकोणाचा सहभाग?

या घोटाळ्यात रोजगार सेवक, सरपंच, उपसरपंच, ग्रामसेवक, तसेच पंचायत समितीमधील अनेक कर्मचारी व अधिकारी सामील असल्याची चर्चा आहे. त्यामुळे पंतप्रधान आवास योजनेबरोबरच इतर घरकुल योजनांमध्येही अनेक हात बरबटले असल्याचा गंभीर सवाल उपस्थित झाला आहे.

प्रशासनाकडून कारवाईची अपेक्षा

सर्वांचे लक्ष आता प्रशासनाकडे लागले आहे की, या घोटाळ्यावर कधी आणि कशी कारवाई केली जाईल. नागरिकांनी अफवा पसरवू नये, पण योजनेतील गैरव्यवहार उघडकीस आल्यामुळे चिंता व नैराश्य वाढले आहे.

Metro News चा आवाहन:
तालुक्यातील नागरिकांनी सतर्क राहावे, सरकारी योजनेचा गैरवापर रोखावा आणि दोषींवर कठोर कारवाई होणे आवश्यक आहे.

#MetroNews #GharkulFraud #Shrigonda #PMAY #HousingScam #BreakingNews #Maharashtra