“कारगिल विजय: ज्या शौर्यावर भारत झुकत नाही!”

“कारगिल विजय: ज्या शौर्यावर भारत झुकत नाही!”

रतडगाव-बारादरीत शहीद जवानांना विद्यार्थ्यांकडून भावपूर्ण श्रद्धांजली – ‘मेरा युवा भारत’ व ‘उडान फाउंडेशन’चा स्तुत्य उपक्रम

नगर (प्रतिनिधी) –
रतडगाव, बारादरी (ता. नगर) येथे ‘मेरा युवा भारत’ व ‘उडान फाउंडेशन’च्या वतीने कारगिल विजय दिवस अत्यंत प्रेरणादायी वातावरणात साजरा करण्यात आला. या कार्यक्रमात 1999 च्या कारगिल युद्धात शहीद झालेल्या जवानांना विद्यार्थ्यांनी आणि ग्रामस्थांनी हृदयपूर्वक श्रद्धांजली वाहिली.

हा विशेष कार्यक्रम दादा पाटील माध्यमिक विद्यालयात आयोजित करण्यात आला होता. कार्यक्रमाच्या अध्यक्षस्थानी उडान फाउंडेशनच्या अध्यक्षा ॲड. आरती शिंदे होत्या. यावेळी मुख्याध्यापक श्याम नानेकर, शिक्षकवर्ग, ग्रामस्थ आणि विद्यार्थी मोठ्या संख्येने उपस्थित होते.

कार्यक्रमात बोलताना ॲड. आरती शिंदे म्हणाल्या,

“कारगिल विजय दिवस हा केवळ एक दिवस नसून तो भारतीय सैनिकांच्या अपार शौर्याचा आणि बलिदानाचा गौरवशाली स्मरणदिन आहे. हा इतिहास प्रत्येक भारतीयाच्या मनात कोरला गेला पाहिजे.“

त्या पुढे म्हणाल्या, “1999 साली पाकिस्तानी सैनिकांनी भारतीय सीमेत घुसखोरी केली होती. मात्र भारतीय वीरांनी त्यांच्या नजरेला नजर देत, प्रत्यक्ष लढाईत त्यांना परत पाठवले. हा विजय प्रत्येक भारतीयासाठी अभिमानाची गोष्ट आहे.“

कार्यक्रमात मुख्याध्यापक श्याम नानेकर यांनी विद्यार्थ्यांना कारगिल युद्धाची पार्श्वभूमी सांगत देशभक्तीचे बीज पेरले. शिक्षक बाबासाहेब पालवे, लक्ष्मण पालवे, भाऊसाहेब साबळे, प्रियंका वाघचौरे, स्वाती लांडगे, प्रिया गर्जे, दत्तू बनसोडे, राजू मोहिते, अक्षय शिंदे, भारती शिंदे यांचाही कार्यक्रमात सहभाग होता.

कार्यक्रम यशस्वी होण्यासाठी ‘मेरा युवा भारत’चे जिल्हा समन्वयक सत्यजित संतोष, रमेश गाडगे, सिद्धार्थ चव्हाण व ‘जय युवा ॲकॅडमी’चे अध्यक्ष ॲड. महेश शिंदे यांचे विशेष मार्गदर्शन लाभले.

या कार्यक्रमाच्या माध्यमातून रतडगाव व परिसरात देशप्रेम, कृतज्ञता आणि वीर जवानांच्या बलिदानाचा सन्मान अधिक गडद झाला.
विद्यार्थ्यांमध्ये राष्ट्रप्रेम जागवणारा आणि त्यांच्यासाठी प्रेरणास्त्रोत ठरणारा हा उपक्रम खरोखरच कौतुकास्पद ठरला.

#KargilVijayDiwas #VeerJawan #MeraYuvaBharat #UdaanFoundation #NationFirst #Ratadgaon #YouthWithSoldiers #MetroNews