https://metronews.co.in/zee-yuva-sanman/अहमदनगर :

श्री.माहेश्वरी युवा संघटनेची वार्षिक सर्वसाधारण सभा मावळते अध्यक्ष श्री.अमित काबरा यांच्या अध्यक्षतेखाली अत्यंत खेळीमेळीच्या वातावरणात संपन्न झाली.  यावेळी उपस्थित मान्यवरांच्या हस्ते महेश पूजन करण्यात आले.

सभेत सर्वानुमते झालेल्या चर्चेत श्री.विशाल झंवर यांची श्री.माहेश्वरी युवा संघटनेच्या अध्यक्षपदी व सचिवपदी शेखर आसावा यांची निवड करण्यात आली.  यावेळी त्यांचा माजी अध्यक्ष अमित काबरा व माजी  सचिव  शाम भुतडा यांच्या हस्ते सत्कार करण्यात आला आहे.

सचिव शाम भुतडा यांनी सर्वांचे स्वागत केले व गत वर्षातील उपक्रमांची माहिती दिली.खजिनदार सी.ए.अनिकेत बलदवा यांनी सादर केलेल्या सन २०१९ – २० च्या ताळेबंदास सर्वानुमते मंजुरी देण्यात आली.

अमित काबरा यांनी विविध उपक्रमात सर्वांनी दिलेल्या सहकार्या बद्दल आभार व्यक्त केले.तसेच नूतन कार्यकारणीस सर्वतोपरी सहकार्य करण्याचे आश्वासन दिले.

नूतन अध्यक्ष श्री.विशाल झंवर यांनी यावेळी सांगितले की, आपण दिलेली जबाबदारीची जाणीव ठेवून येत्या काळात युवा संघटन अधिक बळकट व सक्षम करण्यात येईल.  युवकांना नवी दिशा व व्यवसायाच्या संधी उपलब्ध करण्यासाठी उपक्रम राबविले जातील. सध्याच्या कोरोना साथीच्या परिणामाची जाणीव ठेवून समाज व परिवार सूरक्षा जोपासून जनजागृती व प्रबोधन करण्यासाठी लवकरच मोहीम राबविली जाईल.

उपस्थित मुकुंद धूत,श्री.मनिष सोमाणी,श्री.अतुल डागा,श्री.किरण मनियार यांनी नवीन पदाधिकार्यांना शुभेच्छा दिल्या व मार्गदर्शन केले.उपस्थित सभासद, मार्गदर्शक,विविध उपक्रमांना सहकार्य करणारे मान्यवर व सभासद या सर्वांचे सचिव शेखर आसावा यांनी आभार मानले.

गॅब्रिएला पुन्हा एनसीबी कार्यालयात दाखल