पुन्हा तेच दु:ख!

पुन्हा तेच दु:ख! अल्पवयीन मुलीवर दुसऱ्यांदा अत्याचार – कुटुंबीयांचे जिल्हाधिकारी कार्यालयासमोर उपोषण सुरू

नगर जिल्ह्यातील श्रीगोंदा तालुक्यात धक्कादायक प्रकार!
एका अल्पवयीन मुलीला पुन्हा एकदा फसवून नेऊन अत्याचार झाल्याची घटना समोर आली आहे. संबंधित आरोपींनी आधी लग्नाचे आमिष दाखवले आणि आता दुसऱ्यांदा मुलीला जबरदस्तीने नेले, असा गंभीर आरोप कुटुंबीयांनी केला आहे.

काय आहे प्रकरण?
श्रीगोंदा तालुक्यातील अल्पवयीन मुलगी मे महिन्यात एका तरुणासोबत आढळून आली होती. त्यानंतर तिची मेडिकल तपासणीही झाली होती. तिच्या जबाबांनुसार त्या काळात तिच्यावर अनेकदा अत्याचार झाला होता. या घटनेनंतरही पोलिसांनी आरोपींवर कठोर कारवाई न केल्याने, ३ जून रोजी ती पुन्हा गायब झाली!

पोलिस तपासावर गंभीर आरोप!
कुटुंबीयांनी आरोप केला आहे की, श्रीगोंदा पोलीस स्टेशनचे तपास अधिकारी गंभीरतेने चौकशी करत नाहीत. उलट त्यांनी अपमानास्पद वागणूक दिली आणि उडवाउडवीची उत्तरे दिली. त्यामुळे संतप्त कुटुंबीयांनी जिल्हाधिकारी कार्यालयासमोर उपोषण सुरू केले आहे.

काय आहेत मागण्या?

• मुलीचा तात्काळ शोध घ्यावा
• आरोपींवर POCSO कायद्यानुसार कडक कारवाई करावी
• निष्क्रीय आणि अपमानास्पद वागणूक देणाऱ्या पोलीस अधिकाऱ्यावर कारवाई करावी

हा लढा केवळ एका कुटुंबाचा नाही – तर प्रत्येक मुलीच्या सुरक्षेचा आहे!
पिडीत कुटुंबाला न्याय मिळवून देण्यासाठी तुमचा आवाज महत्वाचा आहे.