🚨 अहिल्यानगर ‘जलजीवन’ मिशनमध्ये धडाकेबाज हालचाली! 💧

अहिल्यानगर ‘जलजीवन’ मिशनमध्ये धडाकेबाज हालचाली!

अहिल्यानगर जिल्ह्यातील पाणीयोजनांवर मोठं लक्ष केंद्रीत झालं आहे. ‘जलजीवन मिशन’ अंतर्गत चालू असलेल्या योजनांची तपासणी जोरात सुरू असून, सीईओ आनंद भंडारी यांनी थेट आदेश काढलेत “पुढचे 10 दिवसात तपासणीचा रिपोर्ट माझ्या टेबलावर हवा!”

या आदेशानंतर दोन स्पेशल स्क्वॉड मैदानात उतरले आहेत – हितेंद्र चव्हाण (कार्यकारी अभियंता) आणि सुधीर आरळकर (उपकार्यकारी अभियंता) यांच्या नेतृत्वाखालील ही टीम्स गावोगावी फिरून तपासणी करत आहेत.

गावातील सरपंच, ग्रामस्थ आणि ठेकेदार यांनाही तपासणीत सामील करून घेतलं जातंय. पाणीटाक्यांची गळती, पाईपलाईन योग्य बसली का, पाणी दबाने मिळतंय का, की फक्त कागदोपत्री काम झालंय – हे सगळं बारकाईनं पाहिलं जातंय.

पण गंमत अशी की, आतापर्यंत दिलेल्या ६-७ अहवालात मोठ्या त्रुटी नोंदवण्यात आल्या आहेत ! मात्र जबाबदार कोण, हे स्पष्ट नसल्यानं सीईओ भंडारी यांनी थेट सांगितलं – “त्रुटी कोणाच्या खात्यात जातात, हेही अहवालात लिहा!”

जिल्ह्याचा जलजीवन रिपोर्ट कार्ड:

• जिल्ह्यातील एकूण 830 पाणी योजना
• आतापर्यंत फक्त 274 योजना पूर्ण
• 405 योजना 99% पूर्ण अवस्थेत!
• सर्वाधिक योजना – संगमनेर आणि पारनेर (29-29)
• सर्वात कमी – पाथर्डी (फक्त 7 योजना)

घरोघरी नळजोड योजना:

• एकूण 1269 गावं
• आतापर्यंत 613 गावं पूर्ण
• 222 गावं तर जवळपास 99% पूर्ण झालीत!

या तपासणीतून मोठे घोटाळे, अपूर्ण कामं किंवा निष्काळजीपणा समोर येण्याची शक्यता आहे. लोकप्रतिनिधी आणि सरपंचांनी आधीच तक्रारींचा पाऊस पाडलाय. आता जिल्हा प्रशासनाची कसोटी लागणार आहे.

तुमच्या गावात पाणी योजना योग्य रित्या सुरू आहे का? की अजूनही “नळ आहे पण पाणी नाही” अशीच अवस्था आहे?

 

तुमचं मत खाली कमेंटमध्ये नक्की लिहा!
#Ahilyanagar #JalJeevanMission #WaterSupply #MetroPortal