मेट्रो सिटी स्वप्नपूर्तीसाठी पुन्हा एकदा संधी द्या : शीतल जगताप

अहिल्यानगर : विकासकामे करून आमदार संग्राम जगताप यांनी शहराचा चेहरामोहरा बदलला आहे. पूर्वीचे नगर आणि आताचे नगर शहर यात मोठा बदल झाला आहे. आमदार जगताप यांच्या मेट्रो सिटीची स्वप्नपूर्ती होण्यासाठी सर्वे लाडक्या बहिणींनी आपल्या लाडक्या भय्याला पुन्हा एकदा संधी द्यावी, असे आवाहन माजी नगरसेविका शीतल जगताप यांनी केले. महायुतीचे उमेदवार आमदार जगताप यांच्या प्रचारार्थ त्यांच्या पत्नी शीतल जगताप यांनी प्रभाग आठमधील विविध भागांमध्ये प्रचार फेरी काढली. महिलांच्या बैठका घेतल्या. यावेळी मनीषा दातरंगे, शीतल दातरंगे, रूपाली दातरंगे, शारदा दातरंगे, सुरेखा आगरकर, सुनीता दातरंगे, हिराबाई आंबेकर, चंदाबाई आंबेकर, माधुरी आगरकर, विजया दातरंगे, रंजना दातरंगे, मनीषा दातरंगे, अलका दातरंगे यांच्यासह दातरंगे मळा परिसरातील परिसरातील महिला उपस्थित होत्या.