संगमनेर

👍🔥 संगमनेरमध्ये धक्का! आमदार अमोल खताळ यांच्यावर तरुणाचा हल्ला, शहरात तणावाचं वातावरण! 🔥👍

संगमनेर शहर काल रात्री अक्षरशः हादरलं!

Last updated Aug 29, 2025

संगमनेरमध्ये धक्का! आमदार अमोल खताळ यांच्यावर तरुणाचा हल्ला, शहरात तणावाचं वातावरण!

संगमनेर शहर काल रात्री अक्षरशः हादरलं! रात्री पावणे आठच्या सुमारास मालपाणी लॉन्स येथे राजस्थान युवक मित्र मंडळाच्या वतीने आयोजित संगमनेर फेस्टिवल चालू होता. या कार्यक्रमाला आमदार अमोल खताळ उपस्थित होते. कार्यक्रम संपल्यानंतर ते नागरिकांशी हस्तांदोलन करत पुढील कार्यक्रमाकडे जात असतानाच एक धक्कादायक घटना घडली.

तालुक्यातील एका गावातील तरुण पळत आला आणि त्याने अचानक आमदार खताळ यांच्यावर हल्ला केला!
पण, आमदार खताळ यांच्या सुरक्षारक्षकांनी त्याला क्षणार्धात ताब्यात घेतलं आणि ऑफीसमध्ये डांबून ठेवण्यात आलं.

यावेळी आमदारांच्या समर्थकांनी ठिकाणी एकच गर्दी केली … काही वेळासाठी तणावपूर्ण वातावरण निर्माण झालं. घटनास्थळी शेकडो पोलीस दाखल झाले पण तरीही कार्यकर्ते शांत बसायला तयार नव्हते.

शेवटी आमदार अमोल खताळ स्वतःच जमावासमोर आले आणि सर्व कार्यकर्त्यांना शांत राहण्याचं आवाहन केलं. “माझ्यावर प्रेम करणाऱ्या कार्यकर्त्यांनी कायदा हातात घेऊ नये. पोलिसांना त्यांचं काम करू द्या. या मागचा खरा ‘आका’ कोण आहे हे आपण शोधून काढू. बाहेरचे लोक याचा गैरफायदा घेऊ शकतात, त्यामुळे सतर्क राहा.” – असं खताळ यांनी स्पष्ट केलं.

या घटनेनंतर सोशल मीडियावर निषेधाचा पूर आला आहे. फेसबुक, व्हॉट्सअ‍ॅप आणि इन्स्टाग्रामवर समर्थकांनी #WeStandWithAmolKhatal या हॅशटॅगने पोस्ट्सचा पाऊस पाडला आहे.

दरम्यान, पालकमंत्री राधाकृष्ण विखे पाटील यांनी कठोर शब्दांत प्रतिक्रिया देत म्हटलं –
“संगमनेरातील काही लोकांना लोकशाही नको, ठोकशाही हवी असेल, तर महायुतीचे कार्यकर्ते त्याच भाषेत उत्तर देतील. आमदार खताळ यांच्यावरचा भ्याड हल्ला कार्यकर्त्यांचा आत्मविश्वास कमी करू शकत नाही. दोषीवर तात्काळ कारवाई होईल.”

रात्री उशिरापर्यंत पोलिस स्टेशनमध्ये या प्रकरणी गुन्हा दाखल करण्याचं काम सुरू होतं. हल्लेखोर तरुणाची कसून चौकशी केली जात असून त्यामागे कोणाचं हात आहे का, याचा शोध घेतला जात आहे.

संगमनेरमध्ये घडलेली ही घटना राजकीय वातावरण अधिक तापवणारी ठरली आहे. समर्थकांमध्ये संताप आहे, पण खताळ यांनी दिलेल्या आवाहनामुळे परिस्थिती नियंत्रणात आल्याचं दिसतं.

या घटनेनंतर एकच चर्चा सुरू आहे – “हा हल्ला कोणाच्या इशाऱ्यावर झाला? ”
संगमनेरचं राजकारण आणखी पेटणार का?

तुमचं मत काय? हा हल्ला राजकारणाचा भाग आहे की एखाद्या वैयक्तिक कारणातून घडलेला प्रकार?
कमेंटमध्ये नक्की सांगा!

Prev Post

⚡🚨 शनिशिंगणापूर देवस्थान घोटाळा – 1500 कोटींचा खेळ! अहवाल घरपोच, पण तपास थंड का? 🤔

Next Post

पुणे – नागपूर वंदे भारत एक्सप्रेसला बेलापूर रेल्वे स्थानकावर थांबा द्यावा, अशी मागणी! 🚄