धक्का दायक!

धक्का दायक!

महिला सरपंचाला पेट्रोल टाकून जाळण्याचा प्रयत्न
“अटक झाली नाही तर आंदोलन पेटणार!” – समाजबांधवांचा इशारा

श्रीगोंदा | पोलीस न्यूज नेटवर्क

श्रीगोंदा तालुका हादरवणारी घटना! दलित समाजातील विद्यमान सरपंच मीनाक्षी सकट यांना काही गावगुंडांनी पेट्रोल टाकून जिवंत जाळण्याचा प्रयत्न केला. त्यांच्या गाडीला पेट लावण्यात आला, त्या स्वतः गंभीर जखमी झाल्या असून मुलगाही जखमी आहे.

ही घटना समजताच ससाणेनगर आणि सिद्धार्थनगर समाजबांधवांनी एकमुखाने निषेध नोंदवला. “२४ तास उलटून गेले, आरोपी अजूनही मोकाट! तात्काळ अटक झाली नाही, तर रस्त्यावर उतरून तीव्र आंदोलन करणार!” असा वज्र इशारा पोलिसांना देण्यात आला.

काय आहे प्रकरण?

• मीनाक्षी सकट गेल्या ४ वर्षांत गाव विकास, महिला हक्क आणि दलित समाजासाठी झटल्या.
• त्यामुळे जातीयवादी मंडळींनी त्यांना सतत त्रास दिला.
• १७ ऑगस्ट रोजी परत येताना पेट्रोल ओतून हल्ला!
• गाडी जळून खाक , सरपंच आणि त्यांचा मुलगा जखमी.

संतप्त आवाज

बहुजन समाज, आरपीआय, राष्ट्रवादीचे कार्यकर्ते एकत्र येत म्हणाले:
“हा खऱ्या अर्थाने शाहू-फुले-आंबेडकरांचा महाराष्ट्र आहे का?”
“दलित महिला सरपंचीला जाळण्याचा प्रयत्न, ही लाजिरवाणी वेळ प्रशासनाने ओढवून घेतली आहे.”

पोलिसांना निवेदन

 

पोलीस उपअधीक्षक प्रवीण लोखंडे आणि निरीक्षक किरण शिंदे यांना निवेदन देऊन तातडीने अटक करण्याची मागणी करण्यात आली आहे.