सूर्याच्या पुढील चित्रपटाचे नाव ‘रेट्रो’

सूर्या आणि दिग्दर्शक कार्तिक सुब्बाराज यांच्या चित्रपटाचे नाव समोर आले आहे. या चित्रपटाला ‘रेट्रो’ असे नाव देण्यात आले. यामध्ये सूर्यासोबत पूजा हेगडेही मुख्य भूमिकेत दिसेल. हा एक गँगस्टर ड्रामा चित्रपट आहे. यासोबतच निर्मात्यांनी चित्रपटाचा टीझरही रिलीज केला. टीझरमध्ये सूर्या आणि पूजा हेगडे यांची पात्रे वाराणसीमधील घाटाच्या काठावर बसलेली दाखवली. पूजा फिकट गुलाबी रंगाच्या साडीत, तर सूर्या काळ्या कुर्त्यात दिसत आहे. पूजा हातावर पवित्र धागा बांधते. सूर्य तिच्या डोळ्यात पाहतो व तामिळमध्ये म्हणतो, ‘मी माझ्या रागावर नियंत्रण ठेवेन. मी माझ्या वडिलांसोबत काम करणे सोडून देईन. हिंसाचार, गुंडगिरी, लाठीमार मी आता सर्व काही सोडून देईन. मी हसण्याचा व आनंदी राहण्याचा प्रयत्न करेन. मी निव्वळ प्रेम करण्याचा प्रयत्न करेन. आता सांगा, लग्न करायचं का?’ त्याने आपल्या सोशल मीडिया अकाउंटवर टीझर शेअर केला. रेट्रो २०२५ च्या उन्हाळात प्रदर्शित होईल.’