“मलाईदार” श्रीगोंदा आता ‘नो-एंट्री’ झोन? रिक्त पदांनी निर्माण केलं संकट!

 

“मलाईदार” श्रीगोंदा आता ‘नो-एंट्री’ झोन? रिक्त पदांनी निर्माण केलं संकट! #ShirurShock #VacancyAlert

नगर/श्रीगोंदा | राष्ट्र सह्याद्री नेटवर्क

कधी ‘मलाईदार’ म्हणून ओळखला जाणारा श्रीगोंदा तालुका आता अधिकाऱ्यांना नकोसा वाटू लागला आहे! महसूल, पोलीस, पाटबंधारे, कृषी आणि ग्रामविकास विभागातील दर्जनावारी पदं रिक्त असून प्रशासन जवळपास 50% क्षमतेवर काम करत आहे.

पूर्वी येथे नियुक्ती मिळवण्यासाठी अधिकारी राजकीय व आर्थिक मलिदा लावून रांगेत उभे राहत असत. पण सध्याच्या घडामोडींमुळे ‘श्रीगोंदा’ हे नाव आता संशयाच्या छायेत आले आहे. चौकशांचे सावट, तणावाचे काम, आणि तिढ्यात अडकलेली राजकीय समीकरणं – या सगळ्यामुळे अधिकारी श्रीगोंद्याकडे पाठ फिरवत आहेत.

कुठे कुठे पदं रिक्त?

• तहसील कार्यालय: १ तहसीलदार, २ नायब तहसीलदार, १० लिपिक, १ स्वच्छता कर्मचारी
• भूमिअभिलेख: १ निमतानदार, १ परिरक्षण भूमापक, ३ भूकरमापक, ४ शिपाई
• पोलीस ठाणं: ३ सहाय्यक पोलीस उपनिरीक्षक
• पंचायत समिती: ११ ग्रामसेवक, ५ पशुधन पर्यवेक्षक, २१ परिचर
• कृषी विभाग: २० पदं रिक्त
• पाटबंधारे: केवळ १०% कर्मचारी कार्यरत

का झाली ही परिस्थिती?

1. राजकीय हस्तक्षेप
2. चौकशीची भीती
3. कामाचा तणाव आणि तातडीचे आदेश
4. तीन राजकीय पक्षांचा दबाव

एकेकाळी श्रीगोंद्यात नियुक्ती म्हणजे “लक्ष्मीप्राप्ती” मानली जायची. मात्र आता तोच तालुका अधिकाऱ्यांच्या करिअरसाठी धोक्याचा बनतोय. तात्पुरता पदभार घेण्यासाठीसुद्धा कोणी तयार नाही.

सामान्य जनतेचं काय?

 

शेती, जमीन, अनुदान, आरोग्य, बालविकास यांसारख्या हजारो फाईली रखडल्या आहेत. शेतकरी आणि नागरिकांची कामं खोळंबलीत. त्यामुळे तात्काळ पदभरती आणि स्थायिक अधिकाऱ्यांची नेमणूक करण्याची मागणी जोर धरू लागली आहे.