राशीन प्रकरणावर जिल्हाभर संतापाची लाट!

 राशीन प्रकरणावर जिल्हाभर संतापाची लाट!
 मिरजगाव बंद, बोधेगावमध्ये मोर्चा – ओबीसी समाजाचा एकजूटीतून निषेध

 मिरजगाव / शेवगाव | ५ ऑगस्ट २०२५

कर्जत तालुक्यातील राशीन येथे क्रांतीसूर्य महात्मा फुले यांच्या नावाच्या पाट्या व सर्कलीची तोडफोड करून झालेल्या विटंबनेने संपूर्ण जिल्ह्यात संतापाची लाट उसळली आहे. या घटनेविरोधात सकल ओबीसी समाजाने मिरजगावमध्ये पुकारलेला बंद यशस्वी ठरला असून, बोधेगावमध्ये जोरदार मोर्चा आणि निषेध सभा घेण्यात आली. 

 व्यापाऱ्यांनी दिला बंदला पूर्ण पाठिंबा
मिरजगावमध्ये सकल ओबीसी समाजाच्या हाकेला प्रतिसाद देत स्थानिक व्यापाऱ्यांनी स्वयंस्फूर्तीने सर्व व्यवहार बंद ठेवले. यासाठी समाजाच्या वतीने सर्व व्यापाऱ्यांचे विशेष आभार मानण्यात आले. 

 बोधेगावमध्ये आंदोलनाचा एल्गार!
बोधेगाव येथे पुरोगामी संघटनांच्या नेतृत्वाखाली पोलीस दुरक्षेत्रावर मोर्चा काढण्यात आला आणि महात्मा फुले यांच्या विटंबनेप्रकरणी तत्काळ आरोपींना अटक करण्याची मागणी करण्यात आली.

 निषेध सभेमध्ये झणझणीत भाषणं
यावेळी माजी सभापती प्रकाश भोसले, मातंग समाजाचे युवा नेते बन्सी मिसाळ, वंचित बहुजन आघाडीच्या महिला तालुका अध्यक्षा संगीता ढवळे, जिल्हा उपाध्यक्ष शाहूराव खंडागळे, युवा नेते अरुण झांबरे, रामेश्वर बेल्हेकर यांनी महापुरुषांचा अपमान खपवून घेतला जाणार नाही, असा ठाम संदेश दिला. 

 मोर्चात सहभागी प्रमुख कार्यकर्ते:
संदीप बानाईत, माणिक गर्जे, अंकुश घोरपडे, बबन कुरेशी, बाळासाहेब भोंगळे, नवनाथ मिसाळ, ज्ञानेश्वर गिरी, सुनील चव्हाण, धोंडीराम मासाळकर, वाल्मीक चव्हाण, सोपान घोरतळे, विठ्ठल घोरतळे, श्रीधर भोंगळे, मुनावर शेख, भीमराव बनसोडे, बबन मिसाळ, संदेश खंडागळे, बाबासाहेब भोंगळे, संदीप मिसाळ, आकाश मिसाळ, बाळू मिसाळ आदींची उपस्थिती लक्षणीय ठरली. 

 “महापुरुषांच्या सन्मानासाठी लढा देत राहू!”
या आंदोलनातून एक स्पष्ट संदेश दिला गेला आहे की, फुले-शाहू-आंबेडकर विचारांचे रक्षण आणि जातीअत्याचाराविरोधात लढा कायम राहणार आहे. 

 #RashinIncident #OBCUnity #PhuleVandana #SocialJustice #BodhegaonProtest #MirajgaonBandh #MetroPortalNews #SayNoToHatred #WeStandForEquality

 

 या बातमीला शेअर करा – तुमचा आवाजच न्याय मिळवू शकतो!