🔥 BREAKING: ‘सुदर्शन घुलेसह सहा जणांची दोषमुक्ती होणार?’

आज कोर्टात निर्णायक युक्तिवाद!

Last updated Aug 4, 2025

🔥 BREAKING: ‘सुदर्शन घुलेसह सहा जणांची दोषमुक्ती होणार?’ – आज कोर्टात निर्णायक युक्तिवाद!

📍 बीड | प्रतिनिधी
मस्साजोगचे माजी सरपंच संतोष देशमुख हत्या प्रकरण पुन्हा चर्चेत! आज (सोमवार) बीड जिल्हा व सत्र न्यायालयातील विशेष मकोका कोर्टात मोठा निर्णय अपेक्षित आहे. कारण, या खळबळजनक खुनाच्या प्रकरणात आरोपी सुदर्शन घुले, विष्णू चाटे, महेश केदार, जयराम चाटे, प्रतीक घुले आणि सुधीर सांगळे या सहा जणांनी आपली दोषमुक्तीसाठी याचिका दाखल केली आहे.

विशेष म्हणजे, या सुनावणीत आज या अर्जांवर युक्तिवाद होणार असून, संपूर्ण जिल्ह्याचे लक्ष या निकालाकडे लागले आहे.

🚨 वाल्मीक कराडच्या मालमत्तेवर टाच येणार?
याच प्रकरणातील एक महत्त्वाचा आरोपी वाल्मीक कराड याने जामिनासाठी अर्ज केला आहे, तर त्याच्याविरोधात मालमत्ता जप्तीचा अर्ज सरकारी पक्षाने दाखल केला होता. दोन्ही अर्जांवरील सुनावण्या पूर्ण असून, निकाल राखीव ठेवण्यात आलेला आहे. आज या मालमत्ता जप्तीवर अंतिम निर्णय होण्याची शक्यता आहे.

⚖️ प्रकरणाची गंभीरता लक्षात घेता प्रसिद्ध सरकारी वकील अॅड. उज्ज्वल निकम हे विशेष सरकारी वकील म्हणून काम पाहत आहेत.
हे प्रकरण आता निर्णायक टप्प्यावर पोहोचले असून, पुढील वाटचाल आजच्या युक्तिवादावर ठरणार आहे.

🧠 दरम्यान, या प्रकरणावर आतापर्यंत १० सुनावण्या झाल्या आहेत. याआधी वाल्मीकचा दोषमुक्ती अर्ज कोर्टाने फेटाळला होता, त्यामुळे इतर आरोपींच्या याचिकांवर न्यायालय काय भूमिका घेणार, याची उत्सुकता आहे.

🔍 महादेव मुंडे हत्या प्रकरणातही हालचाली सुरू!
या प्रकरणाच्या तपासासाठी स्थापन केलेल्या एसआयटीचे प्रमुख आयपीएस पंकज कुमावत बीडमध्ये दाखल झाले असून, रविवारी त्यांनी संबंधित अधिकाऱ्यांची बैठक घेऊन तपासाचा आढावा घेतला आहे. एसआयटीमधील इतर अधिकाऱ्यांची नियुक्तीही लवकरच जाहीर होणार आहे.

#SantoshDeshmukhMurder #SudarshanGhule #ValmikKarad #CourtUpdate #BIDNews #MetroBreaking #MCOCA #UjjwalNikam #BIDLiveNews