🚨 ड्रग्स, बोगस बियाणं, पिकविमा..

🚨 ड्रग्स, बोगस बियाणं, पिकविमा… आ. ओगले यांनी सरकारला केली सर्जिकल स्ट्राइक!

श्रीरामपूर | विधानभवनात गडगडाट
श्रीरामपूर एमआयडीसीमध्ये आढळलेल्या तब्बल ₹14 कोटींच्या ड्रग्ज प्रकरणावर आमदार हेमंत ओगले यांचा मोठा आवाज! राज्याच्या पावसाळी अधिवेशनात पुरवणी मागण्यांवर बोलताना त्यांनी सरकारला थेट जाब विचारला आणि गंभीर चौकशीची मागणी केली.

🔍 काय आहे प्रकरण?

श्रीरामपूर एमआयडीसी परिसरात 14 कोटींचे ड्रग्ज, नशेची इंजेक्शन्स, व्हाईटनर आणि गांजासह विविध अमली पदार्थ सापडले. हे एवढं मोठं रॅकेट श्रीरामपूरसारख्या शहरात सर्रास सुरु आहे, याकडे आ. ओगले यांनी सभागृहाचं लक्ष वेधलं.

🗣️ आ. ओगले यांनी काय म्हटलं?

“गुन्हेगारी वाढतेय, पोलिसांची संख्या मात्र तोकडी आहे. देवळाली प्रवरा येथे नवीन पोलीस स्टेशन तातडीने व्हावं.
श्रीरामपूरमधील 200 KVA चं सबस्टेशन त्वरित सुरू करावं – विजेच्या समस्येवर तोडगा मिळेल.
बोगस बियाण्यांनी बळीराजा मेटाकुटीला आलाय, सरकारने कठोर पावलं उचलावीत!
सोलर पंप मागूनही मिळत नाहीत, कर्जमाफी केवळ घोषणा ठरली आणि
पिकविम्याचा हप्ता अजून भरला गेलेला नाही – हा शेतकऱ्यांवर अन्याय आहे!”

✅ पिकविमा: ओगले यांच्या मागणीचा तातडीने परिणाम!

आ. हेमंत ओगले यांच्या आवाजानंतर राज्य सरकारने लगेच निर्णय घेत ₹375 कोटींचा पिकविमा हप्ता मंजूर केला आहे!
हा निर्णय हजारो शेतकऱ्यांसाठी दिलासादायक ठरणार आहे.