🕊️ “ज्ञानाचा महासागर” बाबासाहेबांना भीमशक्तीचा मानाचा मुजरा!

चंद्रकांत हंडोरे यांच्या हस्ते डॉ. बाबासाहेब आंबेडकरांच्या पूर्णाकृती पुतळ्याला धम्मवंदना

Last updated Aug 1, 2025

🕊️ “ज्ञानाचा महासागर” बाबासाहेबांना भीमशक्तीचा मानाचा मुजरा!
चंद्रकांत हंडोरे यांच्या हस्ते डॉ. बाबासाहेब आंबेडकरांच्या पूर्णाकृती पुतळ्याला धम्मवंदना

अहिल्यानगर | भारतरत्न डॉ. बाबासाहेब आंबेडकर यांच्या पूर्णाकृती पुतळ्याच्या अनावरण सोहळ्याचा धम्मविधीने भावनिक आरंभ झाला. या कार्यक्रमात भीमशक्तीचे संस्थापक अध्यक्ष, माजी मंत्री व खासदार चंद्रकांत हंडोरे यांनी डॉ. बाबासाहेबांना धम्मविधीने अभिवादन करून आदरांजली वाहिली.

या सोहळ्यात भीमशक्तीचे शहर जिल्हाध्यक्ष संजय जगताप, उपाध्यक्ष अभय गायकवाड, शहर सचिव विशाल भिंगारदिवे, जिल्हा सचिव पोपट जाधव, उत्तर जिल्हाध्यक्ष संदीप मगर, तसेच अनेक कार्यकर्ते व नागरिक मोठ्या संख्येने उपस्थित होते.

💬 यावेळी बोलताना खासदार हंडोरे म्हणाले,

“बाबासाहेब हे केवळ व्यक्ती नव्हते, ते एक विचार आहेत – एक महासागर! त्यांच्या संघर्षातूनच आज सामान्य माणसालाही माणूस म्हणून जगण्याचा हक्क मिळाला. तेवढंच नाही तर स्वातंत्र्य, समता, बंधुता आणि न्याय या मुल्यांवर आधारित भारतीय संविधान त्यांनी आपल्या देशाला दिलं – ही आपली खऱ्या अर्थाने ओळख आहे.”

🔹 “आज या ऐतिहासिक दिवशी, बाबासाहेबांच्या पूर्णाकृती पुतळ्याचं अनावरण माझ्या हस्ते झालं, याचा मला अभिमान वाटतो आणि हे माझं भाग्य आहे,” अशी भावनाही त्यांनी व्यक्त केली.

📸 कार्यक्रमात अनेक कार्यकर्त्यांनी बाबासाहेबांच्या विचारांचा जयघोष करत सामाजिक ऐक्य आणि बौद्ध संस्कृतीचा ठसा उमठवला.

📢 मेट्रो पोर्टलच्या वाचकांनो – ही केवळ एक बातमी नाही, ही आहे एका क्रांतीच्या स्मरणाची, आदर्श व्यक्तिमत्त्वाला दिलेल्या अभिवादनाची आणि समाज परिवर्तनाच्या वचनाची!
जय भीम! ✊