हॉटेलच्या रूममधून ऑनलाईन सट्टा! बनावट आधार, शेअर मार्केट आणि क्रिकेटवर लाखांचा जुगार!
दोन जण क्रिकेट मॅच आणि शेअर मार्केटवर ऑनलाईन सट्टा खेळताना रंगेहाथ पकडले गेले आहेत
अहिल्यानगर | ६ ऑगस्ट २०२५
अहिल्यानगर शहर हादरलंय! 
कारण तारकपूर परिसरातील एका प्रसिद्ध हॉटेलमध्ये बनावट आधार कार्डच्या साह्याने खोली बुक करून, दोन जण क्रिकेट मॅच आणि शेअर मार्केटवर ऑनलाईन सट्टा खेळताना रंगेहाथ पकडले गेले आहेत. 
ही कारवाई ४ ऑगस्ट रोजी सकाळी ७ वाजता स्थानिक गुन्हे शाखेच्या पथकाने केली. सतर्कतेने केलेल्या या छाप्यात १७,१०० रुपयांचा मुद्देमाल जप्त करण्यात आला आहे. 
कोण आहे आरोपी?
मधुकर सखाराम येवले (रा. मुलुंड कॉलनी, मुंबई) याने बनावट आधार कार्ड वापरून हॉटेलची खोली बुक केली होती. त्याच्या एका अज्ञात साथीदारासह तो रूममध्ये बसून ऑनलाइन सट्टा खेळत होता. पोलीसांनी ही माहिती मिळताच लगेच कारवाई केली आणि त्याला अटक केली आहे. 
गुन्हे कोणत्या कलमांतर्गत?
तोफखाना पोलीस स्टेशनमध्ये आरोपीविरोधात IPC 2023 चे कलम 318(4), 336(2), 336(3), 340(2), 3(5) तसेच महाराष्ट्र जुगार कायदा 4 आणि 5 अंतर्गत गुन्हा दाखल करण्यात आला आहे. 
या कारवाईत स्थानिक गुन्हे शाखेचे पोहेकॉ बिरप्पा सिद्धप्पा करमल यांनी आघाडी घेतली असून, आता पोलीस आरोपीचा साथीदार कोण होता याचा तपास करत आहेत. 
का आहे ही बाब गंभीर?
ऑनलाईन सट्टेबाजी ही केवळ आर्थिक फसवणूक नसून, तरुणाईला विनाशाच्या मार्गावर नेणारी सवय आहे. हॉटेल रूम्सचा वापर असा गैरमार्गी होऊ लागल्यास शहराची प्रतिमा आणि सुरक्षेला धोका निर्माण होतो. 
सतर्क राहा, जागरूक बना!
अशा प्रकारांची माहिती असल्यास पोलिसांना तत्काळ कळवा. शहर सुरक्षित ठेवणं आपलंही कर्तव्य आहे. 
#OnlineBetting #FakeAadhaar #AhilyanagarCrimeNews #MetroPortal #LCBAction #CricketBetting #ShareMarketFraud #CyberCrimeAlert #HotelCrimeRaid