पिंपरी-चिंचवड शहर आज 
उत्साह, संताप आणि एकजुटीने थरारले! महाराष्ट्र विधानसभेचे उपसभापती मा. अण्णासाहेब बनसोडे यांचा आयुक्तांकडून झालेल्या अवमानाविरोधात आंबेडकरी चळवळीचे कार्यकर्ते, सर्वपक्षीय नेते आणि नागरिकांनी एकत्र येत प्रचंड निषेध मोर्चा काढला.
मोर्चाची सुरुवात 
अहिल्याबाई होळकर यांच्या पुतळ्यापासून झाली आणि ती डॉ. बाबासाहेब आंबेडकर यांच्या पुतळ्यापाशी निषेध सभेत रूपांतरित झाली. 
जय भीमच्या घोषणांनी गगन भरून गेले.
![🚨]()
सात दिवसांचा अल्टिमेटम!
सात दिवसांचा अल्टिमेटम!मोर्चातील नेत्यांनी आयुक्तांवर सात दिवसांत कायदेशीर कारवाई करण्याचा इशारा दिला.
जर कारवाई झाली नाही, तर पिंपरी-चिंचवड महापालिकेला तालं ठोकू असा गर्भित इशारा देण्यात आला.
सभेचे अध्यक्षस्थान आंबेडकरी चळवळीतील ज्येष्ठ नेते बाळासाहेब भागवत यांनी भूषवले. मंचावर सुरेश आंबेडकर, डॉ. बाबा कांबळे, राहुल डंबाळे, दीपक केदारी, जगदीश गायकवाड, दशरथ कसबे, संतोष निसर्गंध, धर्मपाल तंत्रपाळे, कुणाल वावळकर, प्रतीक कर्डक, बाळासाहेब रोकडे, विजय डोळस, संदिपान झोंबाडे, ज्ञानेश्वर कांबळे यांसह अनेक नेते उपस्थित होते.
![💙]()
“जनतेचे प्रेम कधी विसरणार नाही!”
“जनतेचे प्रेम कधी विसरणार नाही!”व्यासपीठावरून सिद्धार्थ बनसोडे यांनी आंबेडकरी जनतेचे आभार मानले आणि भावनिक शब्दात म्हणाले:
“आंबेडकरी जनतेने अण्णांसाठी दाखवलेले प्रेम आणि समर्थन आम्ही कधीही विसरणार नाही. आम्ही जनतेची सेवा करण्यासाठी कायम कटिबद्ध राहू.”
![⚖️]()
कायदेशीर कारवाईची मागणी
कायदेशीर कारवाईची मागणीसंजय अवसरमल (राष्ट्रवादी काँग्रेस, मागासवर्गीय विभाग) यांनी या प्रकरणी अनुसूचित जाती-जमाती अत्याचार प्रतिबंधक कायद्यान्वये तक्रार पोलीस उपायुक्तांकडे सादर केली.
निवेदन संदीप आटोळे (पोलीस उपायुक्त) आणि श्री. हिरे (सहाय्यक पोलीस आयुक्त) यांनी स्वीकारले.
हा मोर्चा केवळ निषेध नव्हता, तर आंबेडकरी चळवळीचा भावनिक आणि कायदेशीर लढा होता.
समाजातील अन्याय आणि अपमानाविरुद्ध एकजुटीने लढण्याचा ठोस संदेश देत, हा दिवस पिंपरी-चिंचवडच्या इतिहासात ठसा उमटवून गेला.
#जयभीम #PimpriChinchwad #AmbedkariMorcha #SocialJustice #BhimArmy #PCMC