✨🌍 गणपती बाप्पा मोरया… अगदी ग्लोबल लेव्हलवर! 🎉

 गणपती बाप्पा मोरया… अगदी ग्लोबल लेव्हलवर! 

पुण्याच्या ऐतिहासिक गणेशोत्सवाला आंतरराष्ट्रीय पातळीवर वेगळीच ओळख मिळवून देण्यासाठी सुरु झालेल्या “ग्लोबल गणेश फेस्टिव्हल”  मध्ये यंदा देखील भन्नाट स्पर्धांचा जल्लोष रंगला आणि विजेतेपद पटकावणाऱ्यांची नावं समोर आली आहेत.

 ग्लोबल गणेश करंडक २०२५ या प्रतिष्ठित जागतिक स्पर्धेत स्पेन  मधील बार्सिलोना महाराष्ट्र मंडळ (उत्सव विभाग) ने बाजी मारली, तर युगांडा  मधील बेंजामिन तुमवेसीगये (फोटोग्राफी विभाग) हे विजेते ठरले. 

 उत्सव विभागात:
 दुसरा क्रमांक – जपानच्या योकोहामा मंडळाने 
 तिसरा क्रमांक – झाम्बियाच्या लुसाका महाराष्ट्र मंडळाने 
 उत्तेजनार्थ बक्षीस – नायजेरियाच्या रेसिडेन्स असोसिएशन महाराष्ट्र मंडळाने 

 फोटोग्राफी विभागात:
 दुसरा क्रमांक – जर्मनीतील कार्तिक संघानी 
 तिसरा क्रमांक – पुण्याचा अभिमान आनंद चैनी 

या शानदार स्पर्धेचे परीक्षक म्हणून ऋशिकेष कायत, ऋतुजा नराल आणि तेजस्विनी गांधी यांनी जबाबदारी पार पाडली. 

 विशेष म्हणजे या जागतिक उपक्रमामागे कार्यकारी अध्यक्ष वैभव वाघ, स्वागत समिती प्रमुख अमोल जोशी, आंतरराष्ट्रीय समन्वयक धनश्री पाटील, मुख्य समन्वयक अनिरुद्ध येवले, डॉ. सतिश देसाई, प्रणव भुरे, चिन्मय वाघ आदींचा मोठा सहभाग राहिला. याबाबतची माहिती प्रसिद्धीप्रमुख जीवराज चोले यांनी दिली आहे.

 हा ग्लोबल गणेश फेस्टिव्हल म्हणजे केवळ महाराष्ट्रापुरता मर्यादित नसून जगभरातल्या मराठमोळ्या संस्कृतीला जोडणारा एक सोनेरी धागा ठरतोय.  गणपती बाप्पाच्या आराधनेसोबत एकजूट, संस्कृतीचं संवर्धन आणि आंतरराष्ट्रीय स्तरावर भारतीय परंपरेचं दर्शन या माध्यमातून होतंय.

 गणपती बाप्पा मोरया – पुढच्या वर्षी लवकर या! 
#GlobalGaneshFestival2025 #GanpatiBappaMorya #MarathiCulture #MetroPortal