मध्यरात्री थरार! नगर तालुका पोलिसांची धडाकेबाजकारवाई ! दरोड्याच्या तयारीत असलेली टोळी जेरबंद

मध्यरात्री थरार! नगर तालुका पोलिसांची धडाकेबाजकारवाई ! दरोड्याच्या तयारीत असलेली टोळी जेरबंद

अहिल्यानगर (प्रतिनिधी) :
नगर तालुका पोलिसांनी बुधवारी मध्यरात्री अंधाराचा फायदा घेत दरोड्याची योजना आखणाऱ्या सात जणांच्या टोळीला चक्क रंगेहात पकडून तुरुंगात डांबलं.

कारवाई कुठे?
नगर–पुणे महामार्गावरील चास गाव शिवारात, बंद पडलेल्या हॉटेल श्रेया जवळ ही सिनेमा-स्टाईल कारवाई झाली. या घाटात याआधी ट्रकचालकांना लुटण्याच्या अनेक घटना घडल्या होत्या. नागरिक व ड्रायव्हर्सनी वारंवार तक्रारी दिल्यानंतर पोलिसांनी जाळं टाकलं आणि टोळीला गजाआड केलं.

जप्त मुद्देमाल
टोळीच्या ताब्यातून तब्बल ३ लाख ८८ हजारांचा मुद्देमाल जप्त –

• धारदार चाकू, लोखंडी पहार, छन्नी, हातोडा, लाकडी दांडके
• मारुती सुझुकी कॅरी टेम्पो (MH 17 BY 7656)
• मोबाईल फोन

कारवाईत सहभागी पथक
ही मोहीम नगर तालुका सहाय्यक पोलिस निरीक्षक प्रल्हाद गिते यांच्या मार्गदर्शनाखाली पार पडली.
त्यांच्यासोबत पोलीस उपनिरीक्षक भरत घुमाळ, एकनाथ आव्हाड, कर्मचारी दत्तात्रय हिंगडे, बाबासाहेब खेडकर, नितीन शिंदे, विक्रांत भालसिंग, चालक विठ्ठल गोरे व साठे यांनी जबरदस्त भूमिका बजावली.

परिणाम
या धडाकेबाज कारवाईनंतर महामार्गावरील नागरिक आणि ट्रकचालकांमध्ये मोठा दिलासा व समाधानाचं वातावरण निर्माण झालं आहे.

---

दुसरी बिग अपडेट – महानगरपालिकेचा विकास आराखडा

नगरकरांनो लक्ष द्या!
अहिल्यानगर महानगरपालिका क्षेत्रासाठी नवीन विकास आराखडा (DP) तयार करण्याची प्रक्रिया वेगाने सुरू आहे. राज्य शासनाने नियुक्त केलेल्या डीपी युनिटने विद्यमान जमीन वापर नकाशा प्रसिद्ध केला असून नागरिकांसाठी तो उपलब्ध करून देण्यात आला आहे.

जर कुठे त्रुटी किंवा सुधारणा आवश्यक वाटत असल्यास, नागरिकांनी त्वरित महानगरपालिकेशी संपर्क साधावा, असं आवाहन आयुक्त तथा प्रशासक यशवंत डांगे यांनी केलं आहे.

---

 

नगर पोलिसांची ही धडाकेबाज कामगिरी आणि महापालिकेचा DP – दोन्ही बातम्या शहरवासीयांसाठी महत्त्वाच्या! तुमचं मत काय? कमेंटमध्ये सांगा आणि ही पोस्ट जास्तीतजास्त शेअर करा!