शनिशिंगणापूर देवस्थान घोटाळा – 1500 कोटींचा खेळ! अहवाल घरपोच, पण तपास थंड का?

जगप्रसिद्ध शनिशिंगणापूर देवस्थान आता इतिहासातल्या सर्वात मोठ्या कथित घोटाळ्यामुळे चर्चेत आलंय . तब्बल दीड हजार कोटींच्या वरचा घोटाळा विश्वस्त आणि अधिकाऱ्यांनी केल्याचा आरोप थेट विधानसभेत झाला .

नेवासा आमदार विठ्ठलराव लंघे आणि आष्टी आमदार सुरेश धस यांनी हा गंभीर आरोप केला. मुख्यमंत्री देवेंद्र फडणवीस यांनी सभागृहात तो सातशे पानांचा अहवाल वाचून दाखवत या प्रकरणाची गंभीरता पटवून दिली .

---

700 पानांचा अहवाल घरपोच!
मुंबई धर्मादाय आयुक्तांनी 700 पानांचा सविस्तर अहवाल तयार केला आणि तो थेट विश्वस्त- अधिकाऱ्यांच्या घरी पाठवला . त्यावर सही घेऊन ‘पोहोच’देखील घेतली. पण गंमत अशी – विश्वस्तांनी वकिलामार्फत फक्त 7-8 पानांचं म्हणणं सादर केलं .
यावर सुनावणी 10 सप्टेंबरला होणार आहे .

---

सायबर तपास थंड का?
दरम्यान बनावट ॲप घोटाळ्याच्या तपासाची गती मात्र थंडावलेली दिसते.
कोण करतंय मांडवली?
कोण माती खातंय?
भक्तांच्या मनातले प्रश्न अजूनही अनुत्तरित आहेत .

---

देवस्थान कर्जात, घोटाळेबाज तुपात!
आज देवस्थान कर्जाच्या विळख्यात आहे . दागिने गहाण ठेवण्याची, मालमत्ता विकण्याची वेळ येतेय. पण ज्यांनी घोटाळा केला त्यांच्याकडे –
किलो किलो सोनं-चांदी
कोट्यवधींचा बँक बॅलन्स
अलिशान गाड्या
बंगले, प्लॉट्स, फ्लॅट्स
म्हणजेच देवस्थान उपाशी – घोटाळेबाज तुपाशी अशी स्थिती आहे.

---

शनिदेवांची साडेसाती…!
शनिदेव न्यायाचे देव मानले जातात . शास्त्रातही लिहिलंय – साडेसातीच्या फेऱ्यातून महादेव, राजे, महात्मेही सुटले नाहीत. मग घोटाळेबाज आणि त्यांना पाठीशी घालणारे नेते व अधिकारी कसे सुटणार?
भक्तांचा विश्वास – या घोटाळ्याचा खेळ मांडवलीने दडपण्याचा प्रयत्न झाला, तर शनिदेवांच्या साडेसातीपासून कोणीही वाचणार नाही!

---

फुकट्यांनो, थोडं लक्षात ठेवा…
देवस्थानात वशिलेबाजीतून नोकरी मिळवणारे, पगार मर्यादित असूनही कोट्यवधींच्या मालमत्ता खरेदी करणारे, महागड्या कार- बंगले घेणारे लोकही चर्चेत आहेत .
आज वाटतंय सगळं गोड गोड ,
पण उद्या शनिदेवांच्या साडेसातीला सामोरं जावं लागेल .

---

एकच प्रश्न –
हा घोटाळा खरंच उघडकीला येईल का?
की पुन्हा एकदा ‘मांडवली’च्या सावलीत दडवला जाईल?

---

#ShaniShingnapurScam #MetroPortal #BreakingUpdate #ShaniDev