‘आदि कर्मयोगी अभियान’ : 2047 पर्यंत विकसीत भारतासाठी क्रांतिकारी पाऊल!

चंद्रपूर | 29 ऑगस्ट 2025
सन 2047 पर्यंत विकसीत भारत घडवण्यासाठी केंद्र सरकारने एक मोठे आणि महत्वाकांक्षी पाऊल उचलले आहे. केंद्रीय आदिवासी कार्य मंत्रालयाने ‘आदि कर्मयोगी अभियान’ सुरू केले असून, या अभियानाचा उद्देश म्हणजे तळागाळातील आदिवासी समाजापर्यंत शासनाच्या सेवा प्रभावीपणे पोहोचवणे आणि त्यांना सशक्त करणे.

या अभियानात चंद्रपूर जिल्हा अग्रेसर राहावा यासाठी जिल्हाधिकारी विनय गौडा जी.सी. यांनी सर्व शासकीय यंत्रणांना योग्य समन्वयातून काम करण्याचे स्पष्ट निर्देश दिले आहेत.

---

काय आहे ‘आदि कर्मयोगी अभियान’?

हे केंद्र सरकारचे अतिशय महत्वाकांक्षी अभियान असून, यामध्ये मास्टर ट्रेनर तयार करून लोकांचा सहभाग घेतला जाणार आहे.
प्रत्येक आदिवासी गावातील समस्यांची यादी बनवून ‘विकसित भारत – 47’ व्हिजन डॉक्युमेंटमध्ये त्याचा समावेश केला जाणार आहे.
राज्य, जिल्हा, ब्लॉक आणि ग्रामस्तरावर विशेष तज्ज्ञांकडून प्रशिक्षण दिले जाणार आहे.
सेवा – समर्पण – संकल्प या तत्त्वावर आधारित अभियान.

---

कोणकोणत्या योजना या अभियानात?

या उपक्रमात विविध शासकीय योजना एकत्रित केल्या जातील –
पीएम जनमन योजना
धरती आबा जनजातीय ग्राम उत्कर्ष अभियान
राष्ट्रीय सिकलसेल उच्चाटन मोहीम
एकलव्य मॉडेल निवासी शाळांचा विस्तार व शिष्यवृत्ती

या सर्व योजनांचे एकत्रिकरण करून व्हिजन डॉक्युमेंट तयार केले जाईल. यामध्ये जिल्हा परिषद, पंचायत समिती आणि ग्रामपंचायत यांची मुख्य भूमिका असेल.

---

विशेष लक्ष्य – 2 ऑक्टोबर 2025

या अभियानाचा आराखडा 2 ऑक्टोबर 2025 च्या ग्रामसभेत मंजूर करून घेण्यात येणार आहे. म्हणजे प्रत्येक गावाचा ठोस सहभाग राहणार!

---

चंद्रपूर जिल्ह्यातील आकडे

धरती आबा जनजातीय ग्राम उत्कर्ष अभियानांतर्गत – 167 गावे
पीएम जनमन योजनेत – 68 गावे

यामधून आदिवासी गावांमध्ये आरोग्य, शिक्षण, पोषण, रोजगार, पाणी आणि शासनाशी थेट संपर्क मजबूत केला जाणार आहे.

---

अभियानाचे मुख्य उद्दिष्ट

आदिवासी भागात तळागाळातील शासन व सेवा वितरणामध्ये आमूलाग्र परिवर्तन घडवणे
आदिवासी समुदायांना सशक्त आणि स्वावलंबी बनवणे
20 लाख परिवर्तनशील नेते (Change Leaders) घडवून भारतभर एक मिशन-आधारित कॅडर उभारणे
2047 पर्यंत भारताला पूर्णपणे विकसित राष्ट्राच्या दिशेने नेणे!

---

या कार्यशाळेत जिल्हाधिकारी विनय गौडा, मुख्य कार्यकारी अधिकारी पुलकित सिंह, प्रकल्प अधिकारी विकास राचेलवार यांसह सर्व विभागांचे अधिकारी, गटविकास अधिकारी आणि तज्ज्ञ प्रशिक्षक उपस्थित होते.

---

मेट्रो पोर्टलचा सवाल –
आज जर 10.5 कोटी आदिवासी नागरीकांच्या जीवनात हा अभियान खरा बदल घडवून आणला, तर 2047 पर्यंत ‘विकसित भारत’ हे स्वप्न नक्कीच साकार होईल!